"WALAY dautan sa mga matang nga daan basta makalipay ug dili makadala'g hasol sa uban."
Maayong Sabado!!! How are you po?
Ang naputol nga linya sa internet ang hinungdan mao wala kita nagkauban niadtong nilabay'ng Sabado but I'm back, migo, ho ho hooooo!
Bitaw, usa ko sa mga tawo nga lisud mag-"let go" ganahan nakong mga butang o sa memories. Honestly, kuwarenta anyos nako pero naa pa gihapon ang akong mga panty niadtong ang akong edad pa kay katorse he he!!! Ang uban aduna nay buslot ug tinahian apan dili kaya ilabay sa akong dughan kay pangontra kini sa kaigang.
Di ko maulaw mohisgot niana kay ako man kining gipanag-iyahan ug dili kinawat, higala. Mas ganahan ko mosul-ob sa mga daang sinina kumpara sa mga bag-o kay hayahay man god akong paminsar, migo.
Akong inahan magyawyaw kaniadto kay balik-balik ra pirmi akong sinina kuno. Bitaw, inig human og hubo labhan ug inig kauga isul-ob og balik. Mas hinlo pa tan-awon nako ang mga namalimos sa kalsada ha ha!
Ang akong amiga nga si Kayee Villas, "beauty before comfort" ang motto mao bisan nagngutngot na ang iyang bagtak sa taas nga tikod sa iyang sapatos, keri ans in "poise" lang gihapon kaayo dala pamaul inig katulog, bro.
Ako? Gisulayan pod kana kaniadto apan wa ko nagmalahutayon kay "comfort comes first" pod ang akong panultihon. Bahala'g dili bag-o basta hayahay ang paminsar, migo.
Ang akong papa kantiyawan pirmi sa akong mama kay sama nako balik-balikon isulob ang panglakaw ug pangbalay nga ganahan.
Ang amigo sa akong papa nga si Manong Boy, bag-ohay pa lamang naghatag og tulo ka polo sa akong amahan kay lagi, ang brown ug blue nga polo pangbiyahe sa akong papa nahimo na'g puti ang kolor sa kadugayon. Kung nasayod lamang si manong Boy, nagtapun-og ang mga sinina sa akong papa nga wala pa gayud nasuot tungod dili siya komportable he he!!!
Nakatawa apan malipayon ug mapasalamaton ang akong dughan to know nga "thoughtful" ang higala sa akong amahan. Sama sa bisti nga daan ug komportable, nahimo na pod ingon ana ang level sa relationship nila, mare.
Walay dautan sa mga matang nga daan basta makalipay ug dili makadala'g hasol sa uban. Basura man kini tan-awon apan di kabayran ang kahayahay nga bation kung kini atong gamiton. Sa mga himantayon, sutaa pod gamay ang kaugalingon kay basi baya'g wala namao ang sulod, igsuon. #bye4now