NAGPAHIMANGNO ang kapulisan sa dakbayan sa Cagayan de Oro sa mga residente ug bisan sa mga indibidwal nga dili magtambay sa mga ngitngit nga bahin labina sa coastal road aron makalikay sa krimen.
Kini human napusilan patay si Wilson Galves, 49, taga Carmen, ning dakbayan human nga nisukol sa dihang nagpahigayon og follow-up operation ang kapulisan sa Police Station 3 (PS3) sa Agora.
Si Galves ang gitumbok nga nitulis kang Ian Dave, 25, taga Zone-2, Cugman samtang naghulat sa iyang hinigugma sa coastal road.
Sa pakighinabi sa SunStar Superbalita kang Police Chief Inspector Julius Clark Prisco Macariola, hepe sa PS3, gibutyag niini nga duna silay pagpatrolya sa maong dapit ug gibadlong ang mga tambay.
“So atoang kapulisan, ato gyud gihugtan ang seguridad diha mag conduct ta og patrolling perminte ato gyud nang ginasita ang tao nga naa diha ga standby hasta pud ng mga truck kay pwedi sab na silang mabiktima sa hijacking unsa man nga mga krimen so aron ma avoid ta sa kanang lugara di nalang gyud ta magtambay diha,” butyag niini.