Cesar Albor

Sandiganan

DAKONG bahandi sa magtiayon ang kinabuhi sa ilang mga anak.

Busa, ang bahandi usab nga ikadalit nila sa mga anak mao ang edukasyon. Ang edukasyon dili ikabalhin sa lain ug kini makasukol sa tanang hagit sa panginabuhi kay ang edukasyon maoy bahandi nga dili makawat.

* * *

Naa nahisandig sa batakang balaod nga ang edukasyon maabot sa tanan. Apan tinuod ba ang gipasiatab nga free education sa primarya ug elementarya? Nag-asod ang mga report dinhi sa atong lindog ang dagkong bayranan sa mga project sa mga estudyante lakip na ang mga amotan. Labaw na sa kolehiyo kay mipadayag na ang mga tagdumala nga mopausbaw sila sa bayranan sa matrikula.

Daghan niini ang dili makatungha ilabi na ang duot sa mga kabos.

Motukma sa panultihon “If you think education is expensive, try ignorance”.

For updates from around the country, follow Sun.Star on Twitter

* * *

Managlahi ang pangalagad alang sa edukasyon sa Talisay City ug Cebu City. Si Konsehal Dennis Basiliote, Chairman sa Committee on Education sa Konseho sa Talisay misaysay sa ilang natukod nga edipisyo sa City College, mga two-storey school building, mga bantawan sa tulonghaan, panuga sa mga eskuylahan ug ang pag-hire og 150 ka mga Teacher Aid Volunteers agig hulip sa kakuwang sa mga magtutudlo. Samtang si Mayor Tomas Osmeña sa Cebu City mitanyag nga mohatag og P10,000.00 matag usa nga mograduwar sa high school kon motungha kini sa kolehiyo. Apan duha ka criteria ang gikinahanglan sa makadawat. Una, kanang dagkog grado ug ang ikaduha nga iyang botante ang mga ginikanan.

URBAN POOR

Bulahan ang mga kabos sa Talisay City kay ang kagamhanan namalit og luna nga balhinan sa mga biktima sa demolisyon. Samtang sa Cebu City wala ma-develop ang yuta nga napalit alang sa relokasyon sa Urban Poor. Gipalabi pa man god ang pagpalambo sa commercial nga luna kay dako man og buhis gikan sa mga investor nga mobubo og puhonan.

VENDORS

Gibutyag ni kanhi Mayor Alvin Garcia nga nagbilin siyag budget aron mapatukod ang Unit II sa Carbon Market. Iyang gitumbok nga wala matukod kay gigasto pagbayad sa utang sa giugmad nga South Reclamation Project. Mao diay nga sobra na kagubaon ang merkado gikan sa Carbon padulong sa Pasil. Busa, mga vendor anha lang usa mo pasilong sa daplin sa karsada, paabot mo nga demolison.

* * *

Gumikan kay wala ayoha ang edipisyo sa merkado sa Carbon, nakamugna kinig trapik sa Carbon area, maglisod pag-agi ang mga sakyanan kay naa na man ang mga stalls sa karsada. Atong hangyuon ang mga CITOM nga hapsaya ang agianan sa Carbon kay sa magsige lang og panakop sa ubang kadalanan sa siyudad pinaagi sa pagpangitag sayop sa mga jaywalker og sa mga driver. yahoo ID & e-mail add.; csa_1156@yahoo.com; cell #: 0905-250-4643