GIPASIDUNGGAN isip Outstanding Chemical Engineer for Government and Public Service ang regional director sa Environmental Management Bureau (EMB) 7 atol sa ika-80 nga PIChE National Convention.
Si Engr. William Cuñado, EMB 7 regional director gipasidunggan tungod sa iyang kontribusyon ug naabot sa iyahang propesyon isip Chemical Engineer nga nakahatag og kaayohan sa nasod.
Si Cuñado nidawat sa iyahang award sa Crowne Plaza Manila Galleria sa kaulohan niadtong Pebrero 27.
Usa si Cuñado nga daling nisaka sa iyahang posisyon tungod sa maayong performance niini sa iyahang propesyon.
Sa iyang paglingkod sa EMB 7 daghan kining natampo nga innovations ug experimentations.
Usa niini nga integrated system sa EMB 7 sa mga dokumento aron dali kini makit-an.
Sa pagkakaron aduna’y 27 ka Chemical Engineers ang anaa ang EMB 7, diin ang usa sa trabaho niini mao ang pag-isyu og permit ug certificates susama sa Environmental Compliance Certificates, Permit to Operate, ug Discharge Permit.
“With perseverance and love for what we are doing, I will continue to ensure the public that EMB Region 7, at all times, will deliver outstanding quality services and uphold the integrity of our Bureau.” matod ni Cunado.