SECTIONS
Sunday, August 18, 2019
SUPERBALITA CEBU

Milo Little Olympics ikanselar karong tuiga

WALA’Y ipahigayon nga Milo Little Olympics karong tuiga gumikan kay ang major sponsor sa kompetisyon nga mao ang Nestle Philippines nakatutok sa pag-host sa nasod sa 2019 Southeast Asian (Sea) Games nga gikatakda karong Nobiyembre 30 hangtod Disyembre 11.

Ang Milo Little Olympics, nga nagpatong na unta ika-31 ka mga tuig niini, adunay upat ka legs nga ipahigayon sa South Luzon, Visayas, North Luzon ug Mindanao hinungdan nga dili sayon ang pag-organisar niini.

Hinuon gilauman nga mas dakong kompetisyon ang mapahigayon sa pagbalik sa Milo Little Olympics sa sunod tuig.

“Nestle will be supporting SEA Games this year, even the national finals for the marathon will be held early in 2020 in Tarlac so they can concentrate on the Sea Games,” matod ni Visayas head organizer Ricky Ballesteros sa interbyu sa Sun.Star Cebu.

Adunay plano nga inig balik sa Milo Liitle Olympics sa sunod tuig, ipahigayon na sab og balik ang national finals niini.

“According to Lester Castillo, the Milo Sports Executive, there is a possibility to revive the Milo Little Olympics National Finals next year,” batbat ni Ballesteros.

“That was (pagbalik sa national finals) also discuss in our last meeting in Manila.”

Sa miaging tulo ka mga tuig, pulos ra regional legs ang gipahigayon. Katapusang nakapahigayon og national finals ang kompetisyon niadto pang 2015 sa Laguna diin ang Team Visayas maoy misakmit sa overall title.

Kabahin sa Milo Marathon, ang national finals niini ipahigayon karong Enero 19 sa sunod tuig sa Tarlac City.

Sa naandan, ipahigayon ang national finals sa lumba matag Disyembre apan kinahanglang iuswag kini sa mga nag-organisar gumikan sa obligasyon sa Milo sa SEA Games.

Hinuon ang tanang qualifying races ipahigayon ning tuiga. (RSC, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph