SECTIONS
Sunday, August 18, 2019
SUPERBALITA CAGAYAN DE ORO

Good governance award dakog tabang sa Misamis Oriental

GIKUMPIRMAR ni Misamis Oriental Provincial Accountant Marilou Rivera nga dili basta-basta ang usa ka probinsya kon kini makasakmit og mga dagkong pasidungog sama na lamang sa Seal of Good Local Governance (SGLG).

Tungod kay bugti niini mao ang mga kantidad nga mabubo ngadto sa kabarangayan ug kalungsoran nga nanginahanglan.

Matud ni Rivera nga daw dili tiaw ang pamunoan ni Misamis Oriental Governor Yevgeny Emano tungod kay back to back nga mipasar sa SGLG SA tuig 2016 ug 2017.

Malaumon kining sa tuig 2018 mopasar kini labina wala pa gyod direkta nga resulta gikan sa buhatan sa Department of Interior and Local Government (DILG).

Gipasabot niini nganong sila sa kapitolyo naningkamot nga mapasar kini nga pasidungog aron ang katawhan sa lalawigan dili mahikawan sa serbisyo.

Dugang niini nga gawas nga maka-avail og loan nga dako og tabang sa kaugmaon sa lalawigan makadawat pa og mga assistance gikan sa laing nasud ug laing ahensya sa gobyerno sa national.

“Kon pasado ta, makarecieve ta og mga grants from foreign assistance and other national agencies,” matud niini.

Sama nalamang sa pag-apod ug proyekto sa nagkalainlaing munisipyo tungod sa BUB kon bottoms up budgeting.

“Kung wala ta kapasar nawad-an ta og kahigayon labina atong katawhan sa pagdawat sa P123 milyon gikan sa national tungod kay pasado pod ta sa atong nadawat ug nahatag sa 10 ka munisipyo,” matud ni Rivera.

Gawas niini nakadawat sab og cost matching program (CMGP) gikan sa DILG nga mao kining kalsada program kon diin sa tuig 2017 nakadawat ang probinsya og P321 milyon ug tuig P2018 nakadawat og P83 milyon.

“Mao na nga kwarta ug nakita ninyo karon sa atong kadalanan ang mga improvements sa roads gikan sa kalsada program ug kung wala kita naka-award mahikawan kita niini,” matud ni Rivera.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph