SECTIONS
Sunday, August 25, 2019
SUPERBALITA CAGAYAN DE ORO

Firetrucks sa BFP-Northern Mindanao kulang

GI-ANGKON sa regional director sa Bureau of Fire Protection (BFP)-Northern Mindanao nga kulang ang ilang mga fire trucks ug mga karaan na kini apan naglaom nga matunolan karon nga tuig gikan sa nasudnong buhatan.

Sa pakighinabi kang Senior Superintendent Lindy Lauzon, regional director sa BFP-Northern Mindanao, nga aminado kini nga karaan na ang ilang mga equipment apan gihapon magamit pa kini ug milahotay kay ila man usab nga giatiman pag-ayo aron kini magamit diha sa pagresponde sa mga mahitabong sunog.

“In fact majority sa equipment nato dinhi mga antiquated na eh, na-issue na sila mga early 80’s pa, pero wala man tay mahimo mao raman gyud equipment nato, kaning mga firetruks sa Cagayan de Oro ug sa Provincila gisiguro lang namo nga ma-maintain gyud namo sila,” matud ni Lauzon.

Gidugang pa niini nga anaa sa mga gatos ang mga fire trucks apan gihapon kulangon kini ilabi na nga daghan nga dapit ang nagkinahanglan usab niini.

“Ang magamit karon murag naa sa moabot siguro og 100 trucks pero kulang gihapon, kulang gyud kung unsay naa nato karon amo nalang gi-maximize ang paggamit kay masiguro namo nga condition permi sya para magamit ingkaso naay emergency,” dugang niini.

Naglaom usab kini nga matunolan ang rehiyon og fire trucks ilabi na nga gitakdang magpalit karong tuiga.

“In fact karong tuiga naay 215 ka mga firetrucks paliton i-deliver na karon within this year, I just do not know kung pila ang ihatag sa region," matud ni Lauzon.

Padayon ang pagpahimangno sa tinugyanan sa BFP-Northern Mindanao sa katawhan nga magbinantayon ilabi na nga init ang panahon atol usab sa paglusad sa Fire Prevention Month.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph