OZAMIZ boys giingong naabot na sa Central Visayas ug posibling nakig-alyansa sa Franz Sabalones drug group aron panimaslan ang kapulisan sa ilang subsub nga kampanya batok sa illegal nga drugas.
Tungod niini, ang mga chief of police gipahimangnoan sa ilang labaw nga magbantay.
Gikompirmar ni Police Brigadier General Debold Sinas nga naa na sa Sugbo ang Ozamiz boys kun Kuratong Baleleng, kinsa nalambigit na sa dagkong krimen sa tibuok nasud sama sa pagpanulis sa mga bangko ug pawnshops.
Apan karon, matod sa heneral, di lang tulis ang ilang kalambigitan sanglit nisulod na usab sila sa negosyo sa illegal nga drugas.
Nakig-alyansa pa kini sa dagkong mga drug player sa Mindanao. Tungod sa maong impormasyon, nagtuo si Sinas nga ang grupo ni Sabalones ug Ozamiz boys naghiusa sa posibling pagpanimalos sa kapulisan sa probinsya sa Sugbo.
“Now, kami nagbantay pud mi kay kini si Sabalones daghan nig kwarta. Basig kami pud ang balikan ug nag hire nig gun-for-hire against us. We are receiving reports na ang mga Ozamiz boys ug mga drug lord dinhi nag usap-usap na para hulgaon ang mga pulis diri. So, I have already instructed kana akong mga operators sa mga senior officers to very careful,” matod ni Sinas.