3 ka tuig alang sa opisyal sa barangay kulang ra: Bong Go

(Hulagway kuha ni Stephanie V. Berganio)
(Hulagway kuha ni Stephanie V. Berganio)

NAKABISITA sa Cagayan de Oro ug Misamis Oriental si Special Assistant to the President (SAP) Christopher Bong Go aron mangampanya pagka-senador sa nasod sa Pilipinas.

Niadtong adlawng Sabado, Marso 2, usa ka fellowship of leaders and supporters ang gihimo kauban si Go nga gi-organisar sa Partido PaDayon Pilipino (PDP-Laban) sa pagpanguna nila ni Misamis Oriental Governor Yevgeny Vincente Emano, Cagayan de Oro mayoral candidate Pompee La Viña ug vice mayor candidate Vicente ‘Dongkoy’ Emano ug uban pang nagpapili sa umaabot piliay sa Mayo 13.

Sa mensahe ni Go iyang gipaabot nga kausa siya sa mga plano nga kabag-ohan ni Presidente Rodrigo Duterte.

Lakip siya numero unong makigbatok sa druga ug korapsyon sa nasud.

“Just do what is right and avoid corruption. Dili siya manghilabot kinsa imong PD ug RD. Bag-o lang naa siyay gisipa nga opisyal sa gobyerno, masking nagpapawis atong kampanya masking nisuporta atong kampanya gipaningot gyod grabeng paningkamot pero pag pumasok ka sa korapsyon. Ingon ni Mayor Duterte maghiwa-hiwalay tayo dahil interes ng bayan bago interes ng pagiging pagkakaibigan,” matud ni Go.

Gikalipay sab niini nga wala nay tanim-bala sa airport ug ang taas nga pag-ubos sa kriminalidad sa nasod.

Termino sa barangay official

Lakip sa buot niining panghingusgan kung mapili sa pagka senador nga ma- extend ang termino sa mga barangay opisyal tungod kay ang tulo ka tuig dili ra paigo sa pagserbisyo sa katawhan.

“Kung uyon mo sa pagserbisyo ni Presidente Duterte ato kanang ipadayon. Ang kampanyan niya laban sa druga, kurapsyon ug kriminalidad ako gyod nang ipadayon,” matud niini.

Kung maayo ang epekto sa iyang gisugdan nga programa sa Malasakit Center kon diin anaa na ang tanan ahensya nga madoulan alang sa hinabang ang iya kining padayunon ug himoung balaod sa umaabot.

“Wala nay laing requirements ani basta Filipino ka qualified ka ani nga programa,” butyag niini.

Lakip sa iyang buot hingusgan ang libreng matrikula ug edukasyon sa mga grade school student kon diin namatikdan nga daghang munisipyo kulang og budget alang niini.

Buot sab niining hatagan og pagtagad ang mga senior citizen ug suportahan ang kalamboan sa sports aron mas mapalayo ang mga batan-on sa ginadili nga druga.

Tutukan sab niini ang agrikultura sama sa paghatag og mga dugang ekipo alang sa mga mag-uuma ug mga mangingisda nga maproteksyunan.

Peace talk

Gipasabot sab niini nga buot niyang ma-localized ang peace talk tali sa New People’s Army (NPA).

“Hapit na nga magkaroon tayo ng resumptions of talks. Kadtong mga kondisyones nga gipangayo ni Presidente Duterte. Nisalig mi sa ila [NPA] ug akong ipaabot kanila nga salig mo kay Presidente Duterte kay walay laing lider nga pwede ninyo ma-istorya with all the sincerity,” butyag ni Go.

Dugang niini nga iya sab hingusgan ang Department of Overseas Filipino Workers kon diin tanan nga mga problema sa mga nagtrabaho og abroad hatagan og pagtagad ug tutokan.

“Daghan tag mga igsuon nga ginadaog-daug sa laing nasod nga wala kabalo asa moduol ug mangayo og tabang,” matud niini ug mihatag ehemplyo nga daghan illegal recruiter nga gahimoun ang sekswal nga pangabuso og ekstra service didto sa laing nasod.

Dugang ni Go nga ang katawhan lang masayod kinsa angayan nga pilion sa piniliay ug kun aduna man itago nalang kini sa kaugalingon.

“Wala ko nangampanya sa inyo daghan man kandidato taga Mindanao diha, itago nalang ninyo diha sa inyong kasingkasing kun tan-aw ninyo kinsay Filipino makapagserbisyo sa iyang isig katawo. Dili ko pulitiko bahala namo kinsa. Gikapoy ko anang pagbatikos nila,” panapos niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph