DUL-AN sa 250 ka mga golfers gilauman nga magtakus alang sa dungog ug makadani nga mga premyo sa 11th Phoenix Open golf tournament nga mahitabo sa Marso 16 sa Rancho Palos Verdes Golf and Country Club.
Si tournament organizer Liloh Evangelista nagsulti nga ang mga amateur nga golfers apil ang VIPs nga nagagikan dinhi ug sa gawas magdugok.
"We usually have the same players every year, they are our regulars. But every year we have different champions," matud niya sa press conference sa Sundays Modern Home Cooking sa Lanang, Davao City kagahapon, Marso 4.
Kantidad P1 milyon nga premyo, Harley-Davidson 2019 Sportster Iron 883, duha ka Tata Manza Petrol nga sakyanan ug P100,00 kantidad sa Phoenix Petroleum fuels ug mga lubricants magpaabot sa hole-in-one nga mananaug.
Ang registration naa sa P7,500 matag magduduwa nga maglakip sa Rudy Project golft shirt ug kalo, espesyal nga Phoenix edition golf bag travel cover ug Phoenix golf umbrella.
Ang makarehistro puwede nang makaduwa sa tim, partner ug individual nga kategoriya.
Gikanayon ni Evangelista, "This is the best golf tournament in Mindanao in terms of participation, prizes and quality of what players get from the event."
Si Phoenix Petroleum Philippines, Inc. corporate affairs manager Ben Sur, sa iyang bahin, nagsulti nga ang tinuig nga golfest usa ka fund-raiser alang sa Phoenix Philippines Foundation.
"We already have 30 adopted schools nationwide. We also have greening, outreach and health programs and disaster relief. The event helps raise funds for the sustainability of these projects," tug-an ni Sur.
Si Abogado Raymond T. Zorilla, PPPI vice-president for external affairs and business development, nagsulti sab nga gawas sa golf ug basketball, nagsuporta sab sila sa Europe stint sa Asian Games skateboarding gold medalist nga si Margielyn Didal.
PPPI nanag-iya sa PBA team nga Phoenix Fuel Masters. (MLSA)