WHAAAT? September 2018 pa diay to si Julia Montes nga tua sa Germany? Unya hangtod karon wa pa kabalik?
Tinuod gyud kahang buntis si Julia?
Ang giingon nilang amahan kay si Coco Martin kuno. Gi-deny na hinuon ning Julia.
Ang mga write up sa Manila kay tua sa Germany si Julia aron makauban ang iyang German dad nga bag-o lang niya nahimamat.
Pero since September? Dugaya gud anang bakasyona? Unsaon na man ang iyang career?
Ang iyang mama nga deaf-mute unsaon man to? Duna pa sad siyay duha ka manghod nga lalaki nga gipa-eskuwela.
Nakahinumdom kong Julia kay wa tuyoang naukayan nako ang iyang mga litrato dihang nag-uban mi sa show niya sa Gaisano Bogo.
Taken March, 2011... dugaya na diay aning piktyura. Mao ning tayma nga bisan unsaon nakog pabalik-balik og paposing si Julia wa gyuy reklamo. Bag-o pa siya ani nga artista.
Pero karon di na tingali ni masayon-sayon kay naa na si Coco. Hehe...
Pero ingon sa iyang handler basin kuno karong Abril mobalik na ang aktres kay daghan nang nag-ung-ung niyang projects sa Manila.
Okay, let’s wait and see.
UNSAY SALIDA?
Indie film ra ang pelikula nilang Liza Soberano ug Enrique Gil pero mahala sa pulta: P240! Mao tingaling naka-P300-M?
Naa say pelikula ni Karla Estrada nga Pamilya Blandina nga gilangaw kuno.
Karong Marso 13 showing pud ang “Ulan” ni Nadine Lustre ug Carlo Aquino.
Mokita kaha ni nga ting-bayad man ron sa mga ginikanan sa eskwelahan?
Karong Marso 27 naa say horror movie nga “Eerie” nilang Charo Santos ug Bea Alonzo. Ah, kini hinuon kay Charo ug Bea basin pa.
Pero basin ra ha! Haha!