ANG lungsod sa Panglao maoy nakakuha sa National Gapas Award 2018 isip Best LGU Implementing Kalahi-CIDSS.
Ang award gidawat ni Mayor Leonila P. Montero niadtong Pebrero 15, 2019 sa Land Bank of the Philippines Manila atol sa Department of Social Works and Deveopment (DSWD) Panata Ko sa Bayan Awards Ceremony.
Usa sa mga punto kon nganong nakuha sa LGU Panglao ang pasidungog mao ang iyang paggiya sa matuod nga serbisyo sa iyang katawhan.
Ang Panglao kanunay naghatag og suporta sa panginahanglan sa mga barangay labi na sa way pundo gikan sa Kalahi-CIDSS.
Ang pagpatuman sa Kalahi-CIDSS Program sa lungsod, ang Local Government Unit sa Panglao kanunay nagpalambo sa sub-project implementation.
Walay bisan usa nga nilapas 180 days’ limit sa pagkopleto sa sub-project.
Ang LGU dunay maayong pagdumala sa resources, gikan sa mokabat og P34,858,600 sa Kalahi grants ug local counterpart sud sa 3 ka cycles sila nakahimo sa paggamit sa P34,633,111.14 o 99.35% sa pundo nga nadawat ug nagamit ngadto sa 30% o P9,943,046.65 sa kinatibuk-ang pundo isip bayad sa pamuo nga nagtrabaho sa sa iyang sub-project.
Ang Panglao kanunay nga naa sa top o nag-una. Sa 2018, nakadawat kini og 3 ka awards atol sa program yearly LGU Assessment and Awarding.
Nakuha usab niini isip Best in Geo-Database Management, Database Management and Grievance Management awards.
Ang Gawad Paglilingkod Sambayanan o Gapas award usa ka sub-category sa Panata Ko sa Bayan Awards.
Kini ihatag sa partners alang sa ilang dakong natampo sa pagsuporta sa programa sa DSWD, sama sa stakeholders ug mga kawani kinsa nakaabang sa paghatag og igong gahom sa mga komunidad ug indibidual atol sa DSWD Anniversary sukad niadtong 2010. (PR)