LALAWIGAN sa Bohol i-deklarar nga ‘insurgency free kon wa nay hulga gikan sa mga rebeldeng komunista, sumala sa usa ka resolution sa 8th Infantry Division sa Philippine Army ug Police Regional Office (PRO)7.
Pormal na nga gitugyan sa Army’s 802nd Infantry Brigade sa Central Command nga nakabase sa Bohol ngadto sa Peace and Order Council ang responsibilidad sa pagmintinar sa Internal Security Operations (ISO) human ang probinsya gideklarar nga ‘insurgency free sa 2009.
Dungan sa turn-over sa ISO responsibility, gipahigayon usab ang pag-abli sa Kalayaan Resettlement Center (KRC) nga mao unya ang puluy-anan sa 15 ka mga kanhi rebelde sa probinsya sa Bohol sa barangay Remedios, Danao, Bohol niadtong Pebrero 11, 2010.
Ang Memorandum of Agreement (MOA) nga pinirmahan nila ni Bohol Governor Erico Aumentado, Chairman, PPOC, Major General Arthur I Tabaquero, Commander, 8th Infantry Division, Philippine Army, Police Chief Supt. Lani-o Nerez, Regional Director, PRO-7, PNP nagkanayon nga ang PNP mao na ang mangulong ahensya sa
pagpahigayon unya sa ISO samtang, ang militar moabag na lang ug kinahanglanon na gyud sa sitwasyon.
Nakalatid sab sa MOA ang tagsa-tagsa ka trabaho sa pulis ug militar sa pagpahigayon sa ISO sa probinsya ug kini base usab sa nahitala sa probisyon sa National Internal Security Plan (NISP).
Si Defense Secretary Norberto Gonzales nga mao ang dinapit sa maong kalihukan niawhag sa Boholanos naglakip sa LGU ug ahensya sa gobyerno sa pagpadayon paghimo og kalihukan sama sa paghatag og peace and developmental programs para mapadayon ang kahapsay ug kalinaw sa probinsya.
Samtang, ang bag-o lang giablihan nga KRC mao ang usa ka pagmatuod kon unsa ka-sinsero ang gobyerno sa pagtabang sa armadong rebelde basta mo-surrender lang ug mobalik na sa sabakan sa balaod, “ matod pa ni Major General Ralph Villanueva, Commander, Central Command.
Ang gitumong nga mga benepisyaryo niini mao ang 15 ka mga kanhi rebelde ug ang ilang tibuok pamilya nga maoy sakop sa Bohol Composite Farmers Cooperative, ug ang laing napulo ka mga pamilya nga kasamtangang nagpuyo na sa dapit sulod sa dugay nang katuigan.
Subay sa nasudnong pamaagi sa programa, ang Provincial Peace and Order Council sa Bohol nag-ila sa kamahinungdanon sa tukmang mga panginlabot alang sa pagpabalik sa kanhi mga rebelde ngadto sa kinabuhing sibilyan duyog sa katilingban ug kagamhanan.
Ang maong kalihukan gisaksikan usab sa kadagkuan sa gobyermo sama nila ni Secretary Norberto B Gonzales, Secretary of National Defense; Undersecretary Danilo Escinas, OPAPP; Major Cristobal Julian Paolo Perez, representante gikan sa Presidential Management Staff; Major General Ralph A Villanueva, Commander, Central Command, Major General Arthur I Tabaquero, Commander, 8th Infantry Division, Philippine Army, Police Chief Superintendent Lani-o Nerez, Regional Director, PRO-7, PNP Col Allan R Luga, Commanding Officer, 802nd Infantry Brigade, ubang mga lokal nga opisyal sa kagamhanan ug ahensya sa Bohol.
Si Epitacio Ramirez, usa sa mga kanhi rebelde, nipadayag sa iyang dakong pasalamat nga gihatagan sila sa gobyerno nga magbag-o sa ilang panginabuhi ug paghatag og puluy-anan alang sa ilang pamilya.
Ang lungsod sa Danao, Bohol mao ang gipili nga lugar alang sa resettlement center aron sa pagpakita nga wala na kini hulga sa kagubot gumikan kay ang maong lungsod ug ingon man ang tibuok probinsya gideklarar na nga “insurgency free province.” (JFT)