SUPERBALITA CAGAYAN DE ORO

Super Ka: Brenda Mage garbo sa Misamis Oriental

NAGHIMO og kaugalingon nga pangalan nga mitatak karon sa telibisyon ang garbo gikan sa Barangay Solana, lungsod sa Jasaan nga mao si Brenda Mage o Bryan Roy Tagarao sa tinoud nga kinabuhi.

Pasok sa grand finals sa Miss Q & A segment sa usa ka noontime show sa telibisyon si Brenda ug mitapos kini nga third runner up.

“Kami tanan candidate deserving molaban sa first pero sa akoa nga part mao raman niabot siyempre disappointed kay mao ray naabot pero happy kay daog ko sa ibang tao kay good naman ipinakita kong laban tsaka I have a good fight naman,” matud niini.

Sa interbyu sa SunStar SuperBalita kang Brenda iyang gisulti nga wala siya nagmahay nga wala niya maangkon ang titulo tungod kay bugti sab niini ang tulo ka tuig nga It’s Showtime management contract nga sigurado siya nga mohatag og dakong oportunidad alang kaniya.

“Very honored nga murag dako kaayo nga prelibihiyo nako nga irepresent ang Misamis Oriental ani nga pageant kay dili lang man gud ni siya basta-basta nga pageant as Miss gay dako kaayo kay telibisyon gyod siya grabe nga kalipay nga experiene naghatag siya og platform sa LGBT ug maging stepping stone for my future na pangarap ko talaga iyon,” dugang niini ug miingon nga labihan ang iyang kalipay tungod kay gawas nga maila ang probinsya sa Misamis Oriental nahimo sab kini niya nga ang-ang sa iyang pangandoy.

Saysay sa 30 anyos nga si Brenda nga 17 anyos pa lang siya dihang miadto sa Manila aron manimpalad. Nakasulod ug bisan unsa nga trabaho ug didto midugay sa usa ka comedy bar, nagtraining, nahimong theatre actor ug character actor sa mokabat 13 na ka mga pelikula ug uwahing pelikula ang nahimo siya nga nominado isip best supporting actor.

Simple lang usab ang kinabuhi niini isip residente sa Barangay Solana.

“Taga Solana lang gyod ko, wala jud koy apil apil anang mga pageant sa una kay normal citizen lang gyod ko nga bay-ot akong papa man gud kay farmer ug logger siya ug usa ko sa gahakot hakot og kahoy, daghan ko ug trabaho nga normal lang,” pagbalik lantaw niini sa iyang kaagi.

Giasoy sab niini nga talagsa na lang kaayo siya gauli apan mga spesyal nga okasyon sa ilang barangay ug kalihokan sa pamilya mouli siya sa lungsod sa Jasaan.

Mapasalamaton

“Dako kaayo ni nga achievement nako kay murag nangayo kag sud-an gihatagan pa gyod kag sabaw.” Kini ang paghulagway sa dakong suporta sab nga gihatag sa local nga kagamhanan sa probinsya sa pagpangulo ni Governor Yevgeny Vincente Emano.

“Ang Misamis Oriental government ay sobra ang support, financial, moral and spiritual support,” butyag niini.

Dili sab kini makatou nga hatagan og homecoming, hatagan og pasidungog lakip na ang pagsorpresa sa takdo sa iyang adlawng natawhan sa kagamhanan sa probinsya niadtong adlawng Lunes dungan sa pagpakayab sa nasudnong bandila.

“Lahi sa una nangarap rako nga ma guest lang ko sa munisipyo nga one day mahimo kong inspirasyon sa mga bayot kagaya nako pero karon naa gyod ko sa tv ug mo represent sa kapitolyo nato nga magpakita sa dako nga achievement nako. Biglaan to at hindi pa nagsisink-in sa akin,” matud niini.

Ang pinansyal nga suporta sa Kapiltolyo Probinsyal dako daw kaayo og tabang sa iyang paglakip.

“Kung may mga challenges man ako ang financial talaga, sanay naman ako sa pagod, hirap, puyat sa rehearsal pero yong financial kailangan talaga kami ng fund para ma-provide ang gikinahanglan namo nga costume, gowns, make up pamasahe, lahat-lahat at luckily sinusuportahan ako ng gobyerno sa Misamis Oriental,” matud ni Brenda kinsa mihatag ug lingaw sa mga empleyado sa kapitolyo pinaagi sa iyang pagpakatawa.

Sa iyang bahin sab ni Governor Emano iyang gidayeg si Brenda sa garbo nga gidala niini sa probinsya ug sa talent niini isip usa ka maayo nga komedyante kon diin iyang nalantaw kon giunsa siya ug ang iyang mga empleyado sa kapitolyo sa pagpakatawa.

Malaumon lamang kini ug naghangyo niini nga unta sa national stage ug sa mga guesting niini dili niini malimtan ang pag promote sa turismo sa Misamis Oriental nga gigikanan niini.

Gikontrata

Tungod sab kay aduna naman kini kontrata sa management sa It’s Showtime, tanan nga mga offer niini ang moagi na sa management lakip na kung pila ang talent fee niini.

“Karon man gud kay under management nako so moagi na sa ilaha tanan u gang talent fee nako depende na kon pwede ko sa local.” Matud niini ug mipasiaw nga dili siya makatoo nga ingon ani na ang dalan sa iyang kinabuhi tungod kay ga komedya siya kaniadto sa mga birthday.

“Singko mil raman tong akong talent fee sa una pag may birthday,” pasiaw pa niini.

Dugang ni Brenda nga angayan sab nga hulatan sa katawhan ang iyang mga guesting sa kapamilya network kon diin posibleng mag guest kini sa show ni Vice Ganda lakip na ang gipasaligan siya nga himoan og storya ang iyang kinabuhi pinaagi sa Maalaala Mo Kaya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph