SECTIONS
Saturday, September 21, 2019
SUPERBALITA CEBU

14 ka mga pulis, NUP gipangtaktak

Pahibawo: Si Police Regional Director Debold Sinas mipahibawo sa iyang pagtaktak sa serbisyo sa 14 ka mga pulis nga dunay nagkadaiyang mga kalapasan sa pagpanerbisyo. (Arnold Y. Bustamante)

MOABOT na sa 14 ka mga pulis ug usa ka non-uniformed personnel sa Police Regional Office 7 nangataktak sa serbisyo nga gipirmahan ni Police Brigadier General Debold Sinas.

Sa 14 ka pulis nga na-dismiss, 10 absent without official leave (AWOL) sa trabaho.

Duha wa maka tambong sa hearing sa korte nga naghawid sa kaso sa illegal nga drugas.

Usa ang nadakpan nga nanulis ug usa usab ang naaktohan nga nanugal sulod sa usa ka casino sa Fuente Osmeña.

Samtang ang NUP nadakpan nga nagdalag di lisensyado nga armas atol sa barangay election sa syudad sa Mandaue.

Ang napulo nga nag-awol mao silang PO1 Mc Donald Casaverde Bacolot, PO1 Omar Pacod Macarangcat, PO2 Cruzhile Flores Tumongha, PO1 Gerald Bohol Arguido, PO1 Juliet Silva Julve, PO2 Wilfredo Son De Lugar Jr, PO2 Lyndon Tumakay Mercader, PO1 Jayson Bongo Sulatra, PO3 Gretel Ponce Cabante ug PO3 Jeoffrey Sarmiento Mulat.

Ang duha ka mga pulis nga wa mopakita sa korte sa matag hearing sa kasong ilang gihuptan may labot sa illegal nga drugas mao silang PO1 Glendale Vasquez Cabañero ug PO2 Rey Ganar Golisao.

Si PO2 Cyrelle Marie Bayate nadakpan nga nanugal sulod sa usa ka casino sa Fuente ug si PO1 Argel Abella Fuentes nadakpan human gialarma nga armadong tawo sa syudad sa Mandaue nga gitumbok usab nga maoy nanulis sa usa ka babaye.

Samtang ang na dismiss sa kasong kalapasan sa gun ban mao si Kim Aldamia Herodias sa Mandaue City Police Office.

Adunay pending nga gipaubos pa sa imbestigasyon human mag positibo sa pag gamit sa illegal nga drugas ning milabayng semana sa syudad sa Mandaue nga si SPO1 Edmund Pesara.

Gipadis-armahan na dayon ni Sinas ang maong pulis ug gibalhin dayon sa Regional Personnel Holding Admin Unit sa Police Regional Office 7.

Matod ni Sinas nga kabahin kini sa ilang internal cleansing sa PRO-7 diin kadtong mga pulis nga badlungon way luna sa PNP organization.

“Buot ipasabot nga we are continuing our internal cleansing and we are very serious diri,” matod ni Sinas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph