SECTIONS
Friday, April 19, 2019
SUPERBALITA CEBU

Balay-Balay, Tubig-Tubig: Pangalan sa babaye

DEAR Atty. Joan,

May nag-ingon kanako nga pwede ra kuno mogamit ang usa ka babayeng minyo sa iyang apelyedo kadtong siya kay dalaga pa lang. Giminyoan ko sa akong bana kay nabuntisan ko niya.

Ang among anak kay ang iyang apelyedo gigamit pero nagkabuwag ra sab mi dayon sa akong bana. Gani, wala ko nakausab sa akong passport ug sa uban pa nakong records sa ahensiya sa gobyerno. Karon kay mag-renew nako sa ako passport, pwede ra ba nga ang akong apelyedo sa pagkadalaga gihapon ang akong gamiton? Salamat

Mrs. M

Dear Mrs. M,

Pwede ra nga ang apelyedo nimo pagkadalaga nimo kay mao ra gihapon ang imong gamiton.

Ubos sa Artikulo 370 sa Civil Code of the Philippines, ang usa ka babaye kay pwede mogamit sa (1) pangalan niya og iya apelyedo og ang apelyedo sa iyang bana, (2) pangalan niya og ang apelyedo sa iya bana o (3) ang kompleto nga pangalan sa iyang bana human butangan lang sa unahan og “Mrs”.

Ang Korte Suprema kay ning esplikar nga wala gipugos ang usa ka babaye nga mogamit sa apelyedo sa iyang bana. Sama nga ang gigamit nga pulong sa balaod kay “may use” o sa binisaya pa kay pwedeng munggamit. Kani nagpasabot nga wala gipugos ang babaye pero naa siyay opsyon nga munggamit. Wala gidid-an sa balaod ang pagpadayon og gamit sa us aka babaye sa iyang apelyedo pagkadalaga, kay ang nausab ra sa iyang pagminyo kay ang iyang civil status ra og dili ang iyang pangalan.

Hinaot kani kay nakatabang sa imoha.

Atty. Joan

Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay pa kamoy mga pangutana nga dunay kalabutan sa katungod sa mga bata, mahimo mo-message sa among Facebook account Children’s Legal Bureau, Inc.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!