SECTIONS
Sunday, May 26, 2019
SUPERBALITA CEBU

Governor’s Cup sugdan, Mar. 9

GAWAS sa ginagmayng kausaban, andam na ang tanan alang sa pagpahigayon sa 3rd Cebu Governor’s Cup Inter-cities/Municipalities nga dungang mopahigayong og opening ceremonies sa pito ka managlahing lungsod sa matag distrito sa Sugbo karong Sabado.

Sa final meeting ug press conference sa mga coaches ug team representatives sa nagkalainglaing local government unit (LGU) kagahapon sa Golden Peak Hotel, si Cebu Provincial Sports Commission (CPSC) executive director Atty. Ramil Abing mibutyag nga aron paghatag og dugang kaikag, ang CPSC mohimo usab og photo contest ug sports writing competition.

Kini adunay premyo nga P15,000, P10,000 ug P5,000. Kinahanglan ang tanang mga entrante ma publish sa mantalaan ug sa mga lehitimong pahayagan sa online.

Mokabat ngadto sa 41 ka mga lungsod ug dakbayan ang kompirmadong mOsalmot sa torneyo, usa ka programa sa Kapitolyo nga gipahaom alang sa mga kabatan-onan nga nagpangidaro og 21-paubos.

“Some LGUs are interested but could not make it because of some other reasons. Ang uban naapekihan sa pagpangandam kay dunay laing prayoridad and some others due to lack of players,” matod ni Abing.

Ang mga dapit diin ipahigayon ang mga opening ceremonies mao ang Talisay City Sports Complex sa 1st District, Oslob Municipality Gym (2nd District), Tuburan Municipal Gym (3rd District), Bogo City Coliseum (4th District), Catmon Municipal Gym ug Danao City Civic Center (5th District), Consolacion NHS Gym (6th District) ug Dumanjug Municipal Gym (7th District).

Ang ma-champion sa matag district adunay ganti nga P100,000 samtang P50,000 ang second placer.

Hinuon ang duha maoy moabante ug mo-qualify sa playoffs nga mosunod sa single round elimination format.

Gawas sa Provincial championship trophy, makabungog nga ganting salapi nga P500,000 ang nakahan-ay alang sa nakampiyon sa torneyo nga anaa na karon sa ikatulong tuig.

Ang 2nd placer makabulsa og P300,000, P200 alang sa 3rd placer ug P100,000 sa 4th Placer.

Ang most valuable player (MVP) makabulsa usab og P10,000 ug tag P5,000 usab ang matag malakip sa mythical five.

Ang Minglanilla Archangels (2017) ug ang Talisay Aquastars (2018) nga pulos sakop sa unang distrito sa probinsiya sa Sugbo maoy nangakampiyon sa maong torneyo. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!