MAASIN City, Southern Leyte - Personal nga gi-surrender ni Maasin City Mayor Nacional Mercado ang iyang armas nga dunay expired license ngadto sa kapulisan, Biyernes, Marso 1, 2019.
Si Police Superintendent Mark Nalda uban sa iyang deputy chief Police Chief Inspector Ariel Nuñez nidawat sa armasnga 12- gauge shotgun. Matod ni Nalda, ibalik lang nila ngadto sa tag-iya ang armas kon maka renew na sa ilang lisensya.
Dugang ni Nalda, gipanghingusgan nila ang kampanya batok sa mga ilegal nga armas hilabi niining nagsingabot nga piniliay sa Mayo. Kini itawag og Oplan Paglalansag.
Samtang gipatuman usab nila ang Oplan Katok diin tuktokon sa kapulisan ang mga panimalay sa nanag-iya og armas nga expired ang lisensya ug awhagon nga ipa renew o ibutang usa sa kustodiya sa kapulisan.
Matod ni Nalda, nga subject sa police operation ang tawo nga di motahan sa armas nga way dokumento. (JKDP)