RELIC ni San Camillus de Lellis kinsa maoy patron sa mga masakiton, niduaw pag-usab dinhi sa Sugbo.
Ang relic nga mao ang wala nadugta nga kasing-kasing si San Camillus, gitug-an sa Camillian priest nga nagpahinumdom sa mga matuohon sa Dios, alang sa tinuoray nga paghinulsol ug pagbag-o subay ning pagsugod na usab sa Kwaresma, nga gisugdan ning pag-obserbar ning adlawa sa Myerkules sa badlis.
Martes, Marso 5, niabot sa Sugbo ang 404 na ka tuig nga wala madugta nga kasing-kasing o relic na ni San Camillus de Lellis sa Sugbo, diin una kini nga gidala sa Daughters of St. Camillus, ang home for the aged sa barangay Talamban sa dakbayan sa Sugbo.
Myerkules sa alas 11 sa buntag, Marso 6, gidala ang relic sa Cebu Metropolitan Cathedral, alang na usab sa paghatag og kahigayunan sa
mga deboto ni San Camillus nga makapaduol og makakita sa relic sa Santo.
Gipasabot ni Fr. Dan Cancino ang Executive Secretary sa CBCP sa Commission on Health Care, nga ang pagtuyok nila sa relic ni San Camillus sa tibuok nasud natukma ning panahuna, diin susama’g anaa kanunay ang gubot ug patay.
Kini aron sa pagpahinumdom pinaagi sa kasing-kasing ni San Camillus, kinsa gihulgway nga sugarol ug grabe nga makasasala usab kaniadto, apan nag-usab, ug napuno na sa gugma ang kasing-kasing, alang sa pagpangalagad sa masakiton, physically ug spiritually man.
Dugang ni Bishop Oscar Florencio, kinsa maoy Military bishop, nga nahaum usab karon nga mao ang pagsugod sa kwaresma, nga angay lang ang paghinulsol ug pagbag-o alang sa kaayuhan.
“We might say na hindi lang naman sakit sa lawa. May sakit sa emotions, sa ating environment, ang relationship within the family. This is really a call, that we should respond already to what is happening, the sickness that is happening in our bodies and in our society,” awhag ni Fr. Cancino.
Marso 6, mao ang pag-obserbar sa Myerkules sa badlis, diin himuon ang pagbadlis sa agtang diha sa mga matuohon sa simbahang Katoliko. Diin usa sa naandan mao ang pag- fasting ug pag-penitensya.
"The ash is a symbol of soil, reminding us that we come from soil, and we’ll go back to soil. The cross is a symbol of our salvation and when we are saved, there is a transformation and conversion. Fasting and abstinence are encouraged. By fasting, we put ourselves in the the pain and suffering of our Lord,” pagpasabot ni bishop Florencio.
Samtang tungod kay patron sa mga masakiton si San Camillus, usa sa gihimug-atan ning pagtuyok sa iyang relic, gawas sa mas pagsalig sa kahitas-an mao usab ang paghatag bili ug pagtabang dili lang sa mga masakiton apan lakip na sa mga health workerd, sama sa mga nurse, doctor, caregiver, midwife ug uban pa.
Huwebes alas 10 sa buntag, himuon ang pontifical mass nga panguluhan ni Cebu Archbishop Jose palma, ug sa hapon ilawig na usab kini padulong sa Tagbilaran sa lalawigan sa Bohol.