SUPERBALITA CEBU

Super Ka: DYBU 97.9 Love Radio “Kailangan bang i-memorize yan? Love lang!”

DJ Mathew Dancer (wa) ug DJ Paparey (tuo) (Tampo)

KINSAY nag-ingon nga nagmika na ang FM radio kay nawani na sa social media?

Ang programa nilang Patrick Suarez ug Gilbert Gonza matag-buntag sa dyBU 97.9 Love Radio Cebu ang usa lang sa mga magpamatuod kon unsa kakusog ug kaalegre gihapon sa FM radio.

Mas naila sa airname nga DJ Mathew Dancer (Patrick) ug DJ Paparey (Gilbert), sila ang mga makalingawng host sa programang “Morning Na Love” sa Love Radio nga mabati gikan alas 5 sa buntag hangtod alas 8 gikan Lunes hangtod Sabado.

Ug dayon mag-costume sila isip mga bading kundatan sa programa nilang “Agolo Lo” gikan alas 8:30 hangtod alas 9 nga makita live sa Facebook matag Biyernes.

Mobilib ka kon giunsa nila pagre-invent aron pabiling motatak ang ilang programa sa mga milenyal.

Sa kadaghang estasyon nga maglanoglanog matag-adlaw sa FM band (total of 25 stations!) mada kaha na nimog memorize?

Pero sa Love Radio, “Kailangan pa bang i-memorize yan? Love lang!” nga usa sa mga sikat nga slogan karon sa radyo. Ang dyBU ang usa usab sa mga labing karaan nga FM station sa nasud sukad pa niadtong 1975.

Akong ipaila-ila ang duha sa mga radio talent nga nagpabuhi sa dugo sa mga suking tigpaminaw sa Love Radio matag-buntag. DJ Mathew ug DJ Paparey, Ssssuper Ka!!!

Unsay format sa inyong program?

DJ MATHEW: 100% full entertainment. Pakatawa kay morning man. Personality gyud ming duha as gay character. We project ourselves as bayot on air. Ako si Bb. Anna Onun as diamond star inig ka buntag. Juaquin Bordado inig ka gabie.

DJ PAPAREY: Ako sad si Ms. Kenny Yuray, ang rayna sa kamaisan ug usahay sa sapa.

Unsay inyong usual topic?

DJ MATHEW: Mo inject mi og mga double meaning labi kung naay mo text or tawag magpa agolo. Mohatag sad mi og P500 pahalipay.

DJ PAPAREY: Dili man bastos, pakatawa lang sa kabuntagon. Kon unsa lay “in” ug mga trending maoy among i-share sa among listeners.

Most challenging part sa inyong work?

DJ MATHEW: Kanang every Friday kay mag-costume man mi mag-bra ug mag-wig bisag unsa lang mahunahunaan costume kay mag FB live man mi.

DJ PAPAREY: Kanang sayo momata. Dapat sayo gyud matug. Makapahuway ra mi og tarong Sunday nga maoy among rest day.

Pila na mo katuig sa radio?

DJ MATHEW: Almost 20 years.

DJ PAPAREY: Nagsugod ko sa Love Radio mga 1996 then ni-stop ko kadali. Nibalhin kog laing FM station then nibalik kog Love 2006.

Ngano naglabi karon ang radio talkshow?

DJ MATHEW: Talkshow kay mao may dali makagat sa masa. Mas maka-relate sila sa estorya ug kon dunay topic.

DJ PAPAREY: Bisan sa Manila ug abroad mao sad na ang trend.

Mao tingaling ni-survive gihapon ang radio?

DJ MATHEW: Yes, survive jud gihapon. Dili jud na mawala ang radio. Dili tanan naay gadgets. Dili tanan naay computer sa balay.

DJ PAPAREY: Ang radyo ang pinakasayon ug pinakadali nga makapaminaw ka og balita ug music. Di na kinahanglan ang wifi.

Unsay rating sa Love Radio?

DJ MATHEW: Sa 25 ka FM stations sa Cebu naa gihapon mi sa Top 10. Dili gihapon mawa sa passing ang Love Radio .

DJ PAPAREY: Variety man gud ang among music and we operate 24 hours.

Diin gikan ang pangan nga dyBU ug Love Radio?

DJ MATHEW: Kuan na BU... BEAUtiful Music.

DJ PAPAREY: Ang tagiya sa MBC Love Radio kay every February man among anniversary. It’s love month. Walang Hate, Love lang!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph