GUMIKAN sa sige og tago ug dagan sa kabukiran, siyam ka mga taas og rango nga miyembro sa Communist Party of the Philippines-New People’s Army (NPA) gikan sa Southern Mindanao Regional Committee ang mibalik sa sabakan sa gobyerno.
Kini pinaagi sa pagsurender sa 26th Infantry “Ever Onward” Battalion, 4th Infantry Division sa Philippine Army niadtong March 3 sa Talacogon, Agusan del Sur.
Kini nga batch sa mga misurender ang miabandona sa ilang grupo nga gilangkoban sa duha ka commanding officers, usa ka squad leader, duha ka team leaders, duha ka medics ug usa ka supply officer.
Lakip sa ilang pagsurender ang ilang mga armas ug eksplosibo sama sa duha ka mga M16 rifles, duha ka garand rifles, usa ka US Carbine rifle, usa ka improvised M79 Grenade Launcher, tulo ka mga kalibre 45 nga pistol, usa ka improvised anti-personnel mine ug usa ka hand grenade.
Usa sa squad leader nisulti nga nakadesisyon sila nga musurender human pila sab nila ka mga kauban ang mitahan niaging Disyembre tuig 2018, kinsa nakita nila nga suportado sa gobyerno pinaagi sa programang Enhanced Comprehensive Local Integration Program.
Dugang niini, gikapoy na siya sa labihan ka bayolente nga kinabuhi ug ang pagsige dagan ug tago tungod sa sunod sunod nga operasyon sa tropa sa kasundalohan.
“We felt that the government is sincere in its efforts to give us a chance to live a peaceful life again with our families, that is why we opted to lay down our arms” matud niini.
Si Lieutenant Colonel Romeo C. Jimenea, ang Commander sa 26th Infantry Battalion, niingon nga nakigkoordinar na sila karon sa mga local government units ug nagkalain laing ahensya sa gobyerno aron kining mga mitahan maka-avail og suporta ug benipisyo gikan sa gobyerno.
Sa iyang bahin ni Brigadier General Franco Nemesio M. Gacal, Commander sa 4th Infantry Division, nidayeg sa 26th Infantry Battalion ug 401st Brigade tungod sa pagpasurender niining siyam ka mga NPA.
“We cannot continue killing each other because our country and its people will only suffer. The government is doing all it can to promote a just and long-lasting peace by facilitating the delivery of basic social services especially to poor and marginalized communities. We encourage everyone to unite and give peace a chance because it is the best we can offer to the next generation,” panawagan ni Gacal. (SVB)