Dagan sa trapiko angayang sabton

GIHANGYO ni Mayor Oscar Moreno ang pagsabot sa katawhan ug sa mga motorista ilabi na sa mga nasinatiang pagkabukog sa dagan sa trapiko, gumikan sa mga nagkadaiyang proyekto sa siyudad sa Cagayan de Oro.

Matud ni Moreno nga kinahanglan kini aron nga mas molambo pa hinungdan nga naghangyo sa pagsabot ug unta antoson lang una ug gikinahanglan ang kooperasiyon.

“Lugar mag-antos lang ta we just have to cooperate, lugar serbisyo man na para sa tawo kamo lang say tabang diba? kinahanglan man, ato nalang gyud antosan temporary lang man sad na,” matud ni Moreno.

Giingong gani pasalamat na lamang nga ang national government ilabi na sa Department of Public Works and Highways ang nagtabang ug dili usab kini angayang balibaran nga mga proyekto ilabi na nga ang lokal nga kagamhanan walay insaktong pundo alang sa mga bag-ong mga dalan.

“Gapaningkamot ang atong RTA (roads and traffic administration) nga maminimize ang inconvenient sa traffic pero di man na gyud na malikayan, kita na sad motorista nga kita nasad mag adjust,” dugang niini.

Giingong daghan usab ang mamahimong matabang sa komunidad diha sa pagsulbad sa paghugot sa dagan sa trapiko ug gikinahanglan lamang usab ang gamay nga sakripisyo.

“There are many things that community can do to help alleviate the problems of traffic pero problema gamay nga sakripisyo nato di tag sugot and we expect the government to do everything lugar di biya sayon,” dugang niini. (KCS)

Related Stories

No stories found.
SunStar Publishing Inc.
www.sunstar.com.ph