SECTIONS
Friday, August 23, 2019
SUPERBALITA CEBU

Migallen: Direksiyon sa career ni Nietes

Taym pa

SO, HUMAN sa halawom nga pagtuon, nakadesider si Donnie “Ahas” Nietes nga iya na lang buhian ang World Boxing Organization (WBO) superflyweight title - ang ikaupat niyang kampiyonato nga iyang nalangkat niadto lang bisperas sa Bag-ong Tuig.

Kini aron malikayan ang rematch tali nila ni Aston Palicte, ang laing Pinoy fighter nga mao karon ang iyang mandatory challenger.

Puntariya sa 37-anyos nga Nietes sa sunod niyang tahas mao ang mga dagkong away kay mao kini dugay na niyang gihandom.

Gawas pa sab, sa iyang pangidaron karon, panahon na nga ihunat ug ibuga na ang tanan niyang kahanas, and hopefully, makalangkat siya og dugang pang mga titulo nga mapuno sa iyang legasiya sa dili pa siya moretiro.

Ang pagpakig-rematch ni Palicte, alang ni Nietes, is moving backward, nga sukwahi sa iyang panglantaw ning nahabiling pipila na lang ka tuig sa iyang boxing career.

Sa ilang unang panagsangka sa niaging tuig, alang sa kadaghanan, gidominar ug tataw nga midaog si Nietes sa away, apan ambot ug unsang pagka unsaa nga sa kuwentada sa mga judges natabla man hinuon.

Kini maoy usa sa mga butang nga gikasagmuyo ni Nietes.

WBO should be fair with Nietes tungod kay sukad pa niadtong 2006 regular champion na nila si Nietes gikan sa 105 lbs., 108 lbs. hangtod sa WBO light flyweight ug superflyweight title.

For sure, dili na gusto ang kampo ni Nietes nga masagmuyo na usab sila o kaha nakatimaho kini nga basin og lakas ang kampo ni Palicte kinsa ubos sa Roy Jones Promotion sa WBO.

Ngano man tuod nga mosugal sila ni Palicte nga gawas nga wa silay madawdaw niini, peligro pa gyud sila nga matikasan na sab.

Giatngan karon ni Nietes kon kinsa modaog nila ni Srisaket Sor Rungvisai sa Thailand ug Juan Francisco Estrada sa Mexico karong Abril 25. Kini duha pulos ni mga superstar sa ilang timbang.

Sa sayo pa, tuyo unta to ni Nietes ang unification fight batok ni World Boxing Association (WBA) champion Khalid Yafai, apan wa madayon tungod kay gimandoan na man sila nga modepensa sa titulo batok ni Palicte. Wa gyud sila hatagi og lugway o konsiderasyon sa WBO.

Laing gilantaw mao ang pagsuway sa katakos sa kanhi pound-for-pound king Roman “Chocolatito” Gonzales.

Wa usab isalikway ang pagsaka ni Nietes ngadto sa bantamweight division, aron ipadayon ang iyang paggukod sa haponanon nga si Naoya Inoue kinsa mao karon ang naghupot sa regular version sa WBA 118-pound title.

Nindot ni kay anaa pud dinhing timbanga ang four-division champion nga si Nonito “The Filipino Flash” Donaire.

Mao ni atong atngan.

•••

Akong kinasingkasing nga pahasubo sa pamilya ni Itoy Cordezar ug Galen Masas kinsa mipanaw na ngadto sa laing kalibutan human sa wala damha og kalit nga kamatayon. Rest in Peace to both. (junmigs0622@yahoo.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph