SUPORTADO matud ni Mayor Oscar Moreno ang “no vaccination,no enrollment” policy nga gisugyot sa tinugyanan sa Department of Health gumikan kay dili mahimong isugal ang kinabuhi sa mga kabataan.
Matud ni Moreno nga uyon kini gumikan kay ang panglawas sa mga kabataan mahinungdanon kaayo kini ug angayang dili kini isugal.
“I agree with that kay the health of our children is paramount ayaw na an isugal ayha na ta maghilak dayon kung unsay mahitabo sa bata importante kaayong protection,” matud ni Moreno.
Gidugang pa niini nga kini alang sa kaluwasan sa mga kabataan gumikan kay ang pagbakuna usa ka proteksiyon ug kinahanglan nga ipasabot lamang sa tanan.
“Ang vaccination is protection so okay sa ako ang lugar siguro naa lang tong scare tungod atong dengvaxia kung e-explain lang og pag-ayo I think the people will understand,” dugang niini.
Nasayran nga gidala ni kagawad Ma.Lourders Gaane tsirman sa komitiba sa Health diha sa konseho niadtong adlaw nga Lunes, Marso 4, atol sa regular nga session.
Samtang managlahing reaksiyon usab sa mga kagawad ang gipadangat atol sa maong sesiyon.
“I strongly disagree with the ‘no vaccination, no enrollment’ policy...remember that education is everybody's right, nobody shall be deprived of education bisan wala pa na siya ma vaccinize kay that is fundamental right of every person,” matud ni Kagawad Teudolfo Bong Lao.
Gibutyag usab ni Kagawad Suzzete Magtajas-Daba, tsirman sa kumitiba sa Edukasiyon, nga tumong lamang nila ang panglawas sa mga bata.
“I think this is not yet final, of course ang tumong ug tinguha is ang health sa bata but we should not put a barrier when it comes to education ato man gani gi-encourage nga mo-eskwela,” matud ni Daba.
Samtang uyon usab si Kagawad Reuben Daba niining maong polisiya. (KCS)