DAKO og tabang ang bag-ong pinirmahan ni Presidente Rodrigo Duterte nga Universal Health Care (UHC) ngadto sa iyang programa nga Misamis Oriental Care System (MisOr Cares).
Kini tungod ang programang UHC naghatag og libreng medikasyon ug checkup ngadto sa katawhan sa nasud.
“Dako kaayo og tabang ang MisOr Cares sa UHC kay pareha sa atoa sa MisOr Cares sama sa zero balance billing, no balance billing and extended universal health care,” matud ni Emano.
Dugang niini nga dako kaayo og papel ang MisOr Cares sa UHC gumikan kay ang iyang programa duha ang serbisyo nga gitunol.
“MOCS will still play a big role dinha sa atong UHC tungod kay ang MisOr Cares duha ka serbisyo ang gitunol ang pangkatilingbanon nga serbisyo ug panglawas, these are health and social services kay wala man gitubag sa UHC ang pagbalsamar ug ang lungon unya kining MisOr Cares nato maoy motabang sa katawhan,” matud ni Emano.
Gikalipay sab ni Emano nga epektibo kaayo ang iyang programa a MisOr Cares tungod mao sab kini ang panglantaw sa national nga kagamhanan kay kapareha kaayo sa UHC.
“First and foremost let me congratulate, shake our own hands sa Misamis Oriental kay ang direksyon sa national government kay pareha sa atoa sa MOCS. Nalipay ko dako uyamot nga atong nasugdan nga programa susama sa MOCS nga gi-affirm sa National Government,” matud ni Emano.
Gani niadtong League of Governor sa kaulohan nga iyang gitambongan ang UHC maoy hisgotanan ug lakip sa nahisgotan ang Misamis Oriental nga giingong usa sa adunay dakong utang sa PhilHealth nga gibilin sa kanhi administrasyon ni Mayor Oscar Moreno.
“Ilang nahisgotan karon nga ang Misamis Oriental usa sa adunay pinakadako nga utang sa Philhealth nga gibilin sa previous administration dili akoa... kung mawala ang P243 milyon nga utang mas daghan atong kwarta nga matabang sa MisOr Cares,” matud sa gobernador. (SVB)