MOABOT sa P680,000 nga kantidad sa illegal nga drugas ang nasakmit sa Labangon Police Station 10, pasado alas 5 Sabado sa buntag, Marso 9, atol sa buy-bust operation niini sa Sitio Mangga, Barangay Punta Princesa, sa syudad sa Sugbo.
Gipangulohan ang maong operasyon sa hepe sa Labangon Police Station 10 nga si Police Major Keith Andaya.
Ang nasikop giila nga si Arturo Mori, 36, walay trabaho, nga nag puyo ra usab sa maong dapit.
Nakuha gikan sa dinakpan ang unom ka medium nga putos ug tulo ka dagkong putos sa giilang shabu nga motimbang ang tanan sa 100 grams.
Usa ka pulis ang nagpatuo nga customer nga mipalit ug usa ka pakete sa shabu kang Mori ug sa dihang nakahatag na, nagpaila na dayon siya nga pulis ug gihimo na ang pagdakop sa suspek.