SA DILI pa ipagawas sa Department of Interior and Local Government ang listahan sa mga pulitiko nga giingong nalambigit sa illegal drug trade, si Cebu Archbishop Jose Palma nipadayag nga kinahanglan tinuod ang verification niini ug gihimo ang lawom nga imbestigasyon.
Nisulti niini ang arsobispo human si Presidential spokesman Salvador Panelo niingon nga hayan sa sunod semana ipagawas na ang narco-list.
Bisan kon wa siya direkta moingon nga dili siya uyon sa tinguha sa gobiyerno nga ibutyag ang mga pangan nga naa sa narco-list, apan sumala ni Palma usahay naay mga pagduda nga giapil sa listahan ang usa ka tawo tungod kay dunay wa makauyon niini.
Siya nisaysay nakakita siya kon unsa ka luoy ug kasakit sa usa ka tawo nga inosente diin dunay mga nihilak tungod kay gihukman na sa uban bisan kon wala pa mamatud-i.
“Meaning to say a harm has been done because the moment they are published, even if sometimes the government would say they are only a list, this is only a list, but for the culture of people, they are almost like convicted, like a labeled guilty until they proved themselves innocent and it takes time,” pasabot sa arsobispo ngadto sa mga tigbalita human sa press conference sa Commission on the Laity (COL) labot sa Pagsangyaw 2021 pagka Sabado, Marso 9.
Maguol siya nga dunay mga inosente nga maapil sa listahan apan dili siya makasulti sa gobiyerno nga dili kini ipadayon gumikan kay ila kining katungod.
“This is an area beyond our capacity ba we could not say better not na lang kasi the government would say what do you know about deterrent, you know policy and things like that,” pahayag niini.