NAUKAY ang mga netizen sa trailer pa lang sa bag-ong teleserye sa Kapamilya, ang “Nang Ngumiti Ang Langit”.
Daghang away ug mga komprontasi sa pamilya, may mga sinagpaay pang nahitabo.
Sa kanindot ug makapakumot sa kasingkasing nga mga eksena sobrang kuryoso na ang tanan nga nuntan dinhi ang tibook sugilanon sa serye.
Bida ang childstar nga si Sophie Reola sa unang higayon ug makita nato og balik dinhi ang Kaye Abad nga mipahulay og kadiyot human naminyo ug nanimuyo na dinhi sa Sugbo uban sa iyang asawang aktor.
Inahan siya ni Sophie ug ang amahan sa ilang anak kay Rk Bagatsing.
Balik-kontrabida usab ang sexy ug guapa nga hot mama si Cristine Reyes, grabe ka intense ang mga eksena usab niya dinhi.
Makauban usab silang Enzo Pineda, Dante Rivero, Pilar Pilapil, Ces Quesada ug Matet de Leon.
Mao kini sila ang malambigit sa batang si Sophie Reola sa bag-ong serye nga “Nang Ngumiti Ang Langit.” Sa akong pangagpas mao siguro kini ang ipuli sa naghinapos nga serye matag udto ang “Playhouse” nilang Zanjoe Marudo ug Angelica Panganiban, ay’g saba!
Gipakita na gyud nilang Arjo Atayde ug Maine Mendoza ang ilang tinud-anay nga pagbati sa usag-usa. Mao nay giingon nga “kapugngan pay baha nungka ang gugma.”
Atong nasaksihan ug nadunggan ang daghang mga pagsaway ug way pag-uyon sa ilang relasyon. Apan sa katapusan ang ilang pagbati gihapon ang nagmadaugon kay sobrang open na sila sa ilang gugma.
Human sa “Aldub” karon daghan na ang nagtawag sa duha labi na sa social media nga “Armaine”. Kon asa kutob ang ilang relasyon mao nay atong atangan.
May mga nag-ingon usab nga usa sa mga factor para molungtad ang relasyon kon gikan ang duha sa managlahing network.
Sama nilang Judy Ann Santos ug Ryan Agoncillo, Kristine Hermosa ug Oyo Boy Sotto, Aljur Abrenica ug Kylie Padilla, Kiko Estrada ug Devon Seron ug Khalil Ramos ug Gabbi Garcia.
Molungtad gyud kaha ang relasyong Maine Mendoza ug Arjo Atayde? May kasal kaha kitang paabuton? ay’g saba!