ANG suporta sa Taiwan Excellence mihatag og dugang kusog sa pagpahigayon sa 2nd Davao International Marathon (DIM) nga himuon karon, sa People’s Park, dakbayan sa Davao, Marso 10.
Si Race director Roel Ano, sa pakighinabi kaniya sa Marco Polo Davao nagsulti nga ang 2nd DIM di unta ingon ana kadako, kung wala ang suporta sa Taiwan Excellence.
“This is the first time that they are supporting us. Race bibs for all categories already have timing chips which is a big thing for an event such as this,” ni Ano.
Suma pa, anaa sa 1,800 ka partisipante ang mopakita’g aksiyon sa 42K, 21K, 10K ug 5K categories.
Mga managanay gikan Kenya, India ug Great Britain laumang makigkumbati tali mga Pinoy.
Si Taiwan External Trade Development Council (Taitra) strategic marketing department deputy executive director Tony Lin, atol sa paglusad nga: “This year we try to be the partner of Davao International Marathon, which is a very important marathon in this southern part of the Philippines.”
Gidasig niya tanang partisipante nga i-enjoy lamang ang lumba-dagan.
Si Ano, atol sa Davao Sportswriters Association (DSA) Forum sa The Annex sa SM City Davao nagsulti nga ang Sports Development Division of the City Mayor’s Office (SDD-CMO) maoy isponsor sa cash prizes sa top three finishers sa tanang kategoriya.
Ang kompetisyon kabahin sa 82nd Araw ng Davao Sports Festival. (MLSA)