NANGANTI si Davao City Mayor Sara Duterte-Carpio nga andam siya nga moharong kang Vice President Leni Robredo ug ang pakig-debate sa Otso Diretso.
“Kami nalang... Inday Sara versus Eight...” tipik sa giingon ni Mayor Sara sa pakighinabi sa mga tigbalita.
Giluwatan kini ni Mayor Sara human wa gipaboran sa Commission on Elections (Comelec) ang hangyo sa mga senatorial candidates sa Otso Diretso nga makig-debate batok sa Hugpong ng Pagbabago (HNP) candidates.
Adlaw nga Biyernes, Marso 8, ang Comelec en banc mibasura sa hangyo sa Otso Diretso sa pakig-debate sa HNP candidates nga matigayon unta karong Pebrero 27.
Gipasabot sa Comelec nga taas kaayo ang proseso niini ug kulang sa oras diin imposible nga mahatagan og kahigayonan ang 62 ka mga kandidato.
Sa hisgutanan sab nga “honesty,” mipagula og pamahayag si Mayor Sara kagahapon ug gibulgar niini ang sekreto ni VP Robredo.
“Leni Robredo should avoid commenting about honesty and integrity. Her honesty has been questioned since day one of her term as Vice President. She is not called fake VP for no reason. She has tried to copy her late husband but has failed at every turn. She is facing an electoral protest for massive fraud during the 2016 elections,” pahayag ni Mayor Sara.
Sa panapos nga pamahayag ni Mayor Sara, iyang giingnan si VP Robredo nga mas maayong manamilit nalang kini sa iyang pangandoy nga mamahimong presidente sa nasud.
“The reason why good moral character is not a requirement to run for Vice President is because we have so many Leni Robredos in this world. And if she insists in saying that you have to be honest to run for public office, then she must say goodbye to her dreams of becoming President,” panapos sa pamahayag sa Mayor sa dakbayan sa Davao. (JPC)