NAKURAT ang tanan sa gipangluwatan ni Davao City Mayor Sara Duterte-Carpio batok ngadto kang Vice President Leni Robredo.
Makapaikag sa katawhan nga makisayod sa dagan sa maong istorya gumikan makonsidera nga usa kini sa mga dagkong istorya sa natad sa politika sa nasud.
Nag-ugat kining tanan dihang mikakak si VP Robredo gumikan wa gipaboran sa Commission on Elections (Comelec) ang hangyo sa mga senatorial candidates sa Otso Diretso nga makig-debate batok sa Hugpong Ng Pagbabago (HNP) candidates.
Nanggawas ang baho ni VP Robredo labi na sa iyang naunang pamahayag labot sa "honesty and integrity".
Didto miulbo ang alimpatakan ni Mayor Sara ug mipatuyang kini sa iyang pamahayag nga maoy hinungdan sa pagkabulgar sa giingong tinuod nga VP Robredo.
"Leni Robredo should avoid commenting about honesty and integrity. Her honesty has been questioned since day one of her term as Vice President. She is not called fake VP for no reason. She has tried to copy her late husband but has failed at every turn. She is facing an electoral protest for massive fraud during the 2016 elections," pahayag ni Mayor Sara.
Dugang pa, "and if she insists in saying that you have to be honest to run for public office, then she must say goodbye to her dreams of becoming President."
Mipahinumdom sab si Mayor Sara ngadto sa ikaduhang pangulo nga, "A reminder to Leni Robredo: Kapag umatake ka, at sinagot ka ng inatake mo to question your authority to speak on integrity and honesty, do not retreat behind a "Robredo Camp" to answer for you and the argument you started. It says a lot about your fake courage."
Nagkainit karon ang duha ka babayeng lider. Sa hanay sa kampo sa Robredo, siyempre si Robredo ang husto, ug sa kampo sa HNP, alangan si Mayor Sara gayod ang ilang tuohan.
Hinuon ang katawhan gayod ang labing nasayod sa dagan sa politika sa nasud. Ang angay niining buhaton mao ang pagpabiling kalma ug magpadayon sa mga gimbuhaton nga makapadala og pagkaon sa matag pamilya.
I-ampo ang duha ka mga lider aron magmalinawon ang kahimtang sa nasud, kay kung dunay panagbangi, gubot gayod ug maapektuhan ang pamuyo sa daghang ihap sa kabus.