NANGANDOY si national coach Yeng Guiao nga magkadungan og duwa sila si naturalized Andray Blatche ug Fil-Am Jordan Clarkson sa Team Pilipinas alang sa umaabot nga FIBA Basketball World Cup nga sugdan karong Agisto 31 sa China.
Apan kon dili makadawat og konsiderasyon ang Pilipinas gikan sa FIBA nga mahimong local player si Clarkson sa Team Pilipinas, hayan kinahanglang mopili si Guiao nila ni Clarkson ug Blatche kon kinsa ang iyang ilista nga naturalized player.
Basi sa lagda sa FIBA, ang matag nasod tugotan ra nga makabutang og usa ra ka naturalized player.
Aduna man tuod dugong Pinoy si Clarkon apan dili kini makonsiderar nga local player gumikan kay wala kini nakabaton og Philippine passport sa wa pa kini nag-16 anyos.
“Ang choice ko naman diyan ay si Andray Blatche,” matod ni Guiao sa interbyu sa Fast Break program sa DZMM.
“Kasi from the beginning kasama na natin diyan, napaaway pa nga iyan, nasuspend dahil sa mga pangyayari sa Australia. Kinarga pa niya tayo sa balikat niya especially sa Kazakhstan game.”
Apan giklaro ni Guiao nga padayong naglihok ang Samahang Basketbol ng Pilipinas (SBP) aron makuha ang pagtugot sa FIBA kabahin sa ilang hangyo kabahin ni Clarkson.
“Kumikilos na po ang SBP in that direction," dugang ni Guiao. (ESL)