DUNAY ipahigayon nga medical-dental mission sa sa gymnasium sa Barangay Cogon Central Ramos, dakbayan sa Sugbo karong Martes, Marso 12, alas 7:30 sa buntag ngadto sa alas 5:00 sa hapon.
Alang kini sa mga lumolupyo sa clustered barangay sa Cogon Central. Sta. Cruz ug San Antonio.
Ang mga doktor ug medical staff sa Cebu City Medical Center (CCMC) ug City Health Department (CHD) motanyag sa mosunod: minor surgery, tooth extraction, random blood sugar testing, blood typing ug dunay ihatag nga free medicines.
Dugang sa serbisyo gikan sa Long-Life mao ang consultation of beneficiaries ug ang Office of the Civil Registrar (OCCR) mosilbi sa Live birth registration ug late registration.
Ang City Hospitalition & Medicine Program (CHAMP) moayuda sa laboratory ug hospital bills.
Ang Office of the Senior Citizens Affairs (OSCA) moapud-apod sa purchase booklet ug registration sa new senior citizen.
Ang Financial Assistance Office (FAO/Burial) moalagad bahin sa burial assistance.
Ang Department of Social Welfare and Services (DSWS) moproseso sa solo parent ug modumala sa feeding program.
Dunay libreng tupi, masahe ug manicure gikan sa Department of Manpower Development and Placement (DMDP).
Ang Department of Veterinary Medicine and Fisheries (DVMF) mohatag og dog ug cat vaccination ug deworming.
Dunay pag-apud-apod sa mga liso ug herbal plants sa City Agriculture Department (CAD).
Gidapit ang tanan alang sa libreng serbisyo. (PR)