GIANGKON ni Cebu Archbishop Jose Palma nga nalangay na ang pag-ugmad sa luna nga nahimutangan sa Patria de Cebu sa dakbayan sa Sugbo gumikan kay giusab sa Cebu Landmasters Inc. (CLI) ang naunang desinyo niini sa mix-used commercial space.
“Because complaints have been raised to the national level. I have talk with the chairman (National Historical Commission of the Philippines). I have talk with the contractor (Cebu Landmasters Inc.). They have come into agreements. Now, it’s being revised,” sumala sa arsobispo.
Sumala sa arsobispo, kon unsa man ang ipabilin nga bahin sa Patria anaa na kini sa CLI nga uyonan ug aprobahan sa NHCP sa dili pa sila mopadayon sa pagpalambo.
“On our part, we passed the ball to the National Historical Commission (of the Philippines) and it’s they who make decision. Whatever decision they make, that’s it,” matod ni Palma ngadto sa mga sakop sa media.
Siya nidugang nga wa mohatag og petsa ang NHCP kon kanus-a ipasumitir ang bag-ong desinyo.
Siya nipasabot nga dili sila gusto mopadayon sa proyekto nga may malapas nga balaod.
“The sentiments of the community should also be respected and therefore, the decision of National Historical Commission is to retain the portion of the old,” dugang ni Palma.
Si CLI chief executive officer Jose Soberano III unang niingon nga dili na mahuman ang proyekto sud sa gitakda nga panahon sa Marso 2021 kay nalangay ang ilang pagsugod sa pag-ugmad sa luna.
Ang proyekto tinguha mahuman atol sa selebrasyon sa ika-500 nga anibersaryo sa pag-abot sa Kristiyanismo dinhi sa Sugbo nga usa ka dakong kalihokan sa simbahan sa Sugbo.
Ang NHCP nipataliwa human sa mga pagsupak sa mga grupo sa local heritage advocates sa plano nga gub-on ang Patria building.
Ang usa ka estruktura nga sobra na sa 50 ka tuig ang pangidaron dili dihadiha maguba gumikan kay protektado kini ubos sa Republic Act 10066 kun National Cultural Heritage Act of 2009 isip usa ka mahinungdanon nga cultural property. (SCG)