DUHA ka mga anggulo ang nag-una nga gisubay sa kapulisan sa kasong pagpusil-patay sa usa ka negosyante sa dakbayan sa Lapu-lapu naidtong Dominggo, pasado alas 7:00 sa gabii, Marso 10.
Unan gisubay bahin sa kalambigitan sa iyang negosyo ug anggulo sa kawat human nasuta nga nawala ang dili pa matino nga halin sa ilang negusyo niadtong adlawa, ug duha ka cellphone.
Ang biktima giila nga si Samson Go Jr., 47, minyo, taga Sangi New Road, sa dakbayan sa Lapu-lapu.
Si Go napalgan na lang nga patay, dunay naangkon nga samad pinusilan sa iyang ulo, diha sa may dan sa Purok Million Flowers, Barangay Looc, Lapu-lapu.
Nadawat sa kapulisan ang alarma sa pagpamusil, alas 7:15 sa gabii.
Sa pasiuna nga pakisusi nga nagmaneho sa iyang motorsiklo ang biktima padulong pauli sa panimay niini, sa dihang giingon nga gipusil kini sa wa mailhing mamumuno.
Usa sa mga nagpuyo duol sa nahitabuan nitug-an sa mga pulis nga igo ra siya nakadungog og usa ka buto sa armas, ug sa pagsusi niya nakita niini ang biktima nga natumba na sa dalan, nagkadugo, hinungdan nga dali siya nanawag og tabang.
Usa ka empty shell sa bala sa wa pa matino nga armas ang na-recover gikan a crime scene.
Matod ni Police Colonel Limuel Obon, direktor sa Lapu-lapu City Police Office (LLCPO), nga gisubay nila ang kalabot sa negusyo niini ug ang pangangkon sa asawa nga wala na ang ubang butang ug kwarta nga iya ni Go. (FMD)