MATANAO, Davao del Sur -- Upat ka mga lalaking hamtong ang edad ang gipangsikop sa kapulisan human naaktuhang nagsugal samtang nagpaaway og damang sa Purok 2, Barangay Buas, alas 2:30 sa hapon, Dominggo, Marso 10.
Mga suspek nailhan nga sila si Ryan Javelona Delumpa, 35, taga Purok Agan, Barangay Poblacion; Shenn Philip Quibod Talo, 33, mag-uuma; Bryan Santos Javelona, 38; ug Alex Santos Chavez, 35, nga taga Barangay Poblacion.
Si Senior Inspector Renato Uy, hepe sa kapulisan sa Matanao Municipal Police Station, nagbutyag nga naaktuhan nila ang mga suspek nga nagpasugal gamit ang damang apil ang saling gitaya nga kantidad P640.
Narekober sab ang 14 ka mga damang gikan sa posisyon sa mga suspek.
Sumala ni Uy nga gilapas sa mga suspek ang Municipal Ordinance 186 kalabot sa pagdili niini.
Gitun-an na sa kapulisan ang kasong ipasaka batok sa mga dinakpan.