DIRIYOT diay nga mopakasal si Maui Taylor karong 2010.
Apan ang chika, mibalibad ang sexy actress sa maong hanyag nga kasal tungod kay mas type pa niyang mag-enjoy sa iyang pagka-dalaga.
Sumala ni Maui, nagplano na gayud sila sa iyang Chinese boyfriend nga mopakasal karong tuiga after ang upat ka tuig nga relasyon.
Pero, daw na-realize ni Maui nga wala pa gayud sa iyang priority nga mopakasal tungod kay busy siya sa iyang hosting job.
May regular showbiz talk show si Maui sa Viva Cable Channel ang "Stop Talk and Listen" kung diin co-host niya sila si Dolly Anne Carvajal.
Tug-an ni Maui nga mamahimo siyang mabuhi og bongga'ng-bongga kauban ang boyfriend apan mas type gayud daw niya nga magbaton og kaugalingong kuwarta.
Anyway, gisulti sab ni Maui nga daw naka-sense ang iyang boyfriend nga di pa siya ready nga mopakasal mao nga wala sab kini nag-propose kaniya.
Tug-an ni Maui, happy kaayo siya sa iyang lovelife. Layo daw kaayo kini sa iyang ex-boyfriend nga si Bryan Revilla.
Pahayag ni Maui, naa siya'y peace of mind karon tungod kay dili daw seloso ang present boyfriend.
Wish lang ni Maui nga di na gayud sila magbuwag sa iyang boyfriend sa kasamtangan tungod kay gikapoy na gayud siya nga mangita og lalaking alang sa iya.