2 ka priso sa Calbiga, Samar nakaeskapo

NAKAALERTO karon ang kapulisan sa Calbiga sa lalawigan sa Samar ug ubang police station kahuman dunay nakaeskapo nga piniriso karon lang gabie, Marso 11.

Matod sa kasaligang tinubdan sa Superbalita Cebu, duha ka priso ang giingong nakaeskapo ug nang-hostage pa og usa ka non-uniformed police personnel.

Giingong nakadala pa og armas ang nakaeskapo ug ingon man motorsiklo.

Unang gikataho nga giatake sa mga gituhoang New People's Army (NPA) ang estasyon apan wala pay kompirmasyon ang kapulisan.

Ganinang buntag, gi-ambush sa gituhoang mga sakop sa NPA ang patrol car sa Motiong, Samar Police Station.

Usa ang namatay ug usa ang samdan nga pulis sa ambush.

Ang nakalas mao si Police Officer 3 Glenn Meniano ug samdan si Police Officer 1 Jane Abejar.

Gikondena sa Police Regional Office-Eastern Visayas ang insidente. (JKDP/Superbalita Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph