Sarah, maghinay-hinay sa projects

KUNG last year, gidungan-dungan ni Sarah Geronimo ang paghimo og mga proyekto, karon, maghinay-hinay una ang young actress-singer.

Apan wala daw kini nagpasabot nga mag-lie low na siya.

Sumala ni Sarah nga busy-busyhan gihapon ang iyang career apan di na niya idungan-dungan sa paghimo ang mga proyekto.

"Boss Vic (Viva big boss Vic del Rosario) said I should focus on one project at a time this year," pahayag ni Sarah. "If it's acting, it will only be acting; if it's recording, it will only be recording."

Sa kasamtangan, ginahimo ni Sarah ang pelikulang Hating Kapatid nga unang movie niya kauban si Judy Ann Santos.

Pahayag ni Sarah, dinhi una sila mag-concentrate.

May plano sab ang ABS-CBN nga hatagan og teleserye si Sarah.

Aminado si Sarah nga daghan sab siyang plano sa iyang personal nga kinabuhi nga nabalda tungod sa iyang career.

Usa sa mga nasakripisyo mao ang iyang pag-eskuwela. Wish niya nga makahigayon sa pag-apas sa iyang mga research ug assignments sa iyang Associate in Arts studies sa UP Open University.

Gawas niini, buot ni Sarah nga makakat-on mo-drive.

Apan lagi kay busy pa, di pa gayud niya kini mahimo.

Mao nga bisan ang supposed love life ni Sarah, wala pa gayu'y klaro hangtud karon tungod kay buot gayud sa bagets nga unahon una ang iyang career.

Si Rayver Cruz ang lalaking very vocal sa iyang intensiyon nga panguyaban si Sarah. Andam daw ang young actor nga huwaton ang availability ni Sarah nga magka-boyfriend.