MOABOT sa 30 ka mga dinunggaban sa nagkadaiyang bahin sa lawas niadtong 16-anyos nga si Christine Silawan.
Base sa gipadala nga advanced copy sa autopsy report gikan sa Philippine National Police crime laboratory, nga gipaagi sa text message ngadto ni Police Colonel Limuel Obon, posible namatay ang biktima alas 10 sa gabii, Marso 10, ngadto sa alas 2 sa kadlawon, Marso 11.
Nakita nga gipatay sa laing lugar ang batan-on sa Sitio Mahayahay, Barangay Bankal, Lapu-Lapu City diin siya napalgan.
Mi-umol ang Lapu-Lapu City Police Office og Special Investigation Task Group nga motutok sa kasong ni Christine.
Niabot sa buhatan ni Obon ang mando gikan sa Malacañang sa dinaliang kasulbaran sa maong krimen.