CALBIGA, Samar--Duha ka binilanggo ang nakaeskapo gikan sa Calbiga, Samar Police Station, alas 7:40 sa gabiei Lunes, Marso 11, 2019.
Ang mga pugante giila nga ang magsuon nga sila si Roel, 22, ug Rodel Mabahin, 19, pulos taga Barangay Minata ning lungsod.
Human nigawas sa selda, nihimo pa pagpang-hostage ang duha og usa ka non uniformed personnel (NUP).
Gidala usab sa duha ka mga pugante ang motorsiklo sa usa ka Allan Nabual samtang hostage ang NUP.
Nakaeskapo si Nabual sa pagka hostage.
Matod sa Police Regional Office (PRO) 8, delikado ang duha ka mga pugante gumikan kay armado.
Nakakuha ang duha ka mga pugante og tulo ka M16 Armalite rifle, usa ka pistola, bandolier ug cellphone.
“The fleeing suspects are armed and dangerous and the public are advised to report immediately to nearest police authorities on their whereabouts,” matod sa PRO 8.
Si Roel dunay kasong carnapping samtang si Rodel adunay kasong robbery with frustrated murder.
Nimando na man si PRO 8 Director Dionardo Carlos sa tanang police station sa rehiyon nga pabiling alerto.
“We must everything in our ability to prevent such untoward incidents from happening again. I am calling on all the Chief of Police to stay on the ground with your men to be in full force to maintain the peace and order of the community,” matod ni Carlos.