SUPERBALITA CEBU

Honoraria gipamulitika?

NIINIT ang mga alegasyon sa pamulitika sa pag-apod-apod sa cash honoraria sa mga barangay workers sa Kapitolyo samtang nagkaduol na ang eleksyon nga gikatakda karong Mayo 13.

Mga barangay workers gikataho nga ningbiyahe og 20.7 kilometros gikan sa ilang mga pinuy-anan sa amihanang lungsod sa Liloan niadtong Lunes, Marso 11, aron pagkuha sa ilang cash honorarium gikan sa Kagamhanan sa Lalawigan apan gibalibaran.

Si Lorena Yungco, ang barangay captain sa Cotcot, Liloan, nireklamo nga bisan kon ang pagpanghatag gihimo niadtong Biyernes, Marso 8, ang rason sa wa paghatag mao nga ang kwarta gi-liquidate na.

Ang tinubdan ning mao nga impormasyon mao ang usa ka press statement nga gipadala sa lokal nga mga mantalaan niadtong Lunes.

Gitawgan og makadaghan sa SunStar Cebu si Yungco, apan wa kini makatubag.

Ang press statement nagkutlo sa barangay kapitan ug duha ka mga barangay tanod sa Jubay.

Sayo sa mao nga adlaw, mga tanod, health workers ug Lupon Tagapamayapa gikan sa mga Barangay Jubay, Tayud ug San Vicente sa Liloan, giiingong nasugamak sa samang sitwasyon.

Human sa Cotcot, mga trabahante gikan sa bukirang barangay sa Mulao gikataho nga nibisita udab sa Kapitolyo alang sa susamang katuyoan.

Ang press statement nagkanayon, “Alejandro Bughaw, a tanod from Barangay Jubay, said they left the town at dawn without eating breakfast so they could be at the Capitol building even before the Monday morning flag ceremony. Another tanod, Romie Estay, said it is ‘impossible’ that the money, which was already allocated, could be reverted to the general fund that fast, knowing that the releasing for other workers was done last Friday.”

Si Bughaw niingon nga duna silay seminar sa firefighting, samtang ang health workers nakatakda nga mamakuna batok sa tipdas dihang sila si Cebu Governor Hilario Davide III ug Bise Gobernador Agnes Magpale nangulo sa distribution sa honoraria sa Barangay Catarman.

Mga kandidato sa lungsod sa Liloan nga kaalyado sa administrasyong Davide gikatahong nanambong sa kalihukan.

Ang Liloan gipangulohan ni re-electionist Mayor Christina Garcia-Frasco, anak ni 3rd District Rep. Gwen Garcia, kinsa maoy kaatbang ni Magpale pagka gobernador sa umaabot piniliay.

“First, how can the money be ‘liquidated’ already when the people who were supposed to receive and sign for the money did not receive the money? Where did the money go? Second, Magpale, Davide and their local slate in Liloan held a political rally in Barangay Catarman on Friday in the guise of a distribution of honoraria. According to our barangay captains, many of our barangay frontliners could not attend because they were doing measles vaccination for kids, and others implementing previously scheduled health and peace and order programs. Why are they being punished for prioritizing their work for our communities over the political agenda of a few?” matod ni Frasco sa usa ka text message sa SunStar Cebu.

Sa Kapitolyo, si Davide nanghimakak sa mga alegasyon nga ang iyang administrasyon naghikaw sa mga di nila supporters sa financial incentive program.

Ang Kapitolyo nanghatag og financial aid aron pagsuporta sa barangay workers nga frontline alang sa paghatag sa mga batakang serbisyo.

Mga tanod makadawat og P1,500 matag usa samtang ang barangay health workers, daycare workers, barangay nutrition scholars ug animal health aides sa tag P2,400 matag usa. Ang mga lupon makadawat og tag P1,500.

Matod sa kampo sa gobernador nga nakadawat silag taho nga kadtong napakyas sa pagtambong sa cash distribution niadtong Biyernes gipugngan.

“So, who is politicizing this matter?” matod ni Davide.

Si Magpale, sa iyang bahin, nipasabot nga ang financial incentives gikuha gikan sa cash advance transactions nga kinahanglang dalion pag-liquidate sa di pa sila makapadayon sa distribution sa honararia sa sunod lungsod.

“Og dili mahuman on that day, dili sila maka-liquidate. The following day, we have to go to another town. Mao na nga lisod jud kaayo nga i-delay. We knew that they were there, so gi-announce ni Marian (personnel nga in-charge sa distribution) nga kutob ra gyud karong adlawa (March 8), but those who followed us to Consolacion got it. Dili masakripisyo ang ubang lungsod tungod lang sa kapricho nila nga silay namolitika,” siya niingon. (RTF sa SunStar Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph