SECTIONS
Sunday, September 15, 2019
SUPERBALITA CEBU

9 ka sanga sa Jerome’s gisirhan

GISIRAD-an sa Cebu City Government ang siya ka mga sanga sa Jerome’s Pawnshop gumikan sa giingong kakuwang sa mga dokumento gikan sa Bangko Sentral ng Pilipinas (BSP).

Si Raquel Arce, pangulo Prevention Restoration Order Beautification Enhancement (Probe), niingon ilang gi-padlock ang pawnshops sa Jerome’s sa Barangay Pasil, Basak San Nicolas, Labangon, Calamba, Sanciangko, Junquera, Lahug, T.Padilla ug Talamban niadtong Biyernes.

Si Arce niingon nga hapsay ang ilang pagsirado ug gipagawas ang mga kawani niadtong Biyernes.

Kon gustohon sa management nga mosulod sa pawnshop kay adunay kuhaon, ang yawe naa sa kustodiya sa Probe.

Matod ni Arce nga motambong siya atol sa pagdungog sa giduso nga temporary restraining order (TRO) sa management sa korte karong Biyernes.

Si Arce nidugang nga nagbayad og business tax ang pawnshop apan wa silay permanent Mayor’s business permit gumikan kay usa sa requirement sa City Treasurer’s Office mao ang clearance gikan sa BSP.

KAKUWANGAN

Gipahibawo ni Atty. Joseph Bernaldez, pangulo sa City Legal Office, nga wa makumpleto sa tagdumala sa pawnshop ang rekisito nga gipangayo sa BSP.

Ang wa ma-submit sa management sa pawnshop mao ang maintenance of record, reporting of obligation ug giingong di mo-grant og clearance ang BSP ngadto sa single proprietorship o partnership, kategoriya sa Jerome’s.

Naugkat ang kakuwangan sa pawnshop nga niadtong 2002 pa ni-operate gumikan sa usa ka Ipad-mini nga giprenda, apan giingong kinawat. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph