GIBUTYAG sa Misamis Oriental Provincial Police Office (Moppo) nga sa pagkakaron nga padangaton ang eleksyon, walay na monitor nga nagkuha og permit to campaign ang mga walhong grupo.
Sa uwahing pakighinabi sa SunStar SuperBalita kang Moppo spokesperson Police Senior Inspector Princess Joy Enriquez, iyang gibutyag nga naka-monitor sila sa posibilidad niini labina nga dili pa gyud adlaw sa kampanya.
Magsugod ang campaign period sa mga lokal nga mga kandidato karong umaabot Marso 29.
Aduna sab silay mga lugar nga gibantayan labina nga galabay labay ang walhong grupo sama sa mga hinterlang nga bahin sa Claveria, Salay, Lagonglong, Talisayan, Medina ug Gingoog.
Lakip sa ilang gibantayan ang posibleng pagpangatake sa walhong grupo sa mga istasyonan sa polis hinungdan nga hugot sab silang nakaalerto karong panahona.
Sa iyang bahin, si Police Chief Inspector Raymund Lumapay, hepe sa Claveria Police Station, nibutyag nga malinawon ang lugar ug wala pa sa pagkakaron namatikdan nga presensya sa walhong grupo.
Dugang niini nga karon sab nga natapos na ang ilang police station ila pa kining buot nga makoral ug maprotektahan usa balhinan.