GIKOMPIRMA sa Department of Agriculture (DA)-Northern Mindanao nga apektado na ang Northern Mindanao sa El Niño o hulaw ilabi na sa probinsiya sa Misamis Oriental ug Bukidnon.
Matud ni Carlene Collado, officer-in-charge regional director (OIC-RD) sa DA-Northern Mindanao, nga kini basi sa mga gikatahong mga dapit nga naapektohan.
“Based on the damage report submitted by our agriculture office and municipal agriculture office, there are already reported damages in some parts of Bukidnon particularly in southern parts and also the province of Misamis Oriental,” matud ni Collado.
Ang mga apektado nga dapit base sa ektarya diha sa danyos sa humay mao ang Bukidnon nga anaa sa 2,571.75 ilabi na sa Kibawe, Kadingilan, Sumilao, San Fernando, Quezon ug Malaybalay City ug sa Misamis Oriental anaa sa unom diin dunay total nga 2,577.40 ektarya .
Sa mais sa Bukidnon anaa sa 5,774.10 ug sa Misamis Oriental anaa sa 205.55 diin dunay total nga 5,979.65 ug sa utanon sa Bukidnon anaa sa 29 ektarya diin ang Bukidnon lamang ang apektado.
Samtang ang mga apektado nga mga mag-uuma sa pananom nga humay mao ang Bukidnon nga dunay 142 ka apektado nga mag-uuma ug Misamis Oriental 6 ug dunay total nga 148. Sa mais anaa sa 4,268 ang sa Bukidnon ug 266 sa Misamis Oriental diin dunay total nga 4535 ka mga apektado nga mga mag-uuma. Anaa usab sa 33 ka mga mag-uuma ang apektado nga utanon sa Bukidnon.
Anaa usab sa total nga P8,075,117 ang damyos sa humay diin anaa sa P8,010,335.00 ang sa Bukidnon ug P64,782.00 sa Misamis Oriental. Sa mais anaa sa P272,568,646.96 ang damyos sa Bukidnon ug P7,129,020 sa Misamis Oriental ug ang total anaa sa P279,697,666.96, sa utanon sa Bukidnon anaa sa P4,450,384.
Naghatag na usab og ayuda ang tinugyanan sa Philippine Crop Insurance Corporation (PCIC) diin anaa na sa P42 milyones nga kantidad.
“Estimated indemnity ani is P42 million but naa na nabayaran kani nga figure total ni sa nabayaran katong nagfile nga na verify na ug katong nag file nga wala ma inspection ang area,” matud ni Engineer Luther Salting, manager sa PCIC.
Giingong anaa sa 320 ang nagfile nga mga mag-uuma sa pananom nga humay diin anaa sa 400 ka ektarya samtang anaa sa dul-an P3.5 milyones.
Pinakadako matud ang sa mais diin anaa sa P22 milyones na ang natunol sa PCIC nga anaa sa 2,600 ektarya ug dul-an 1,800 ka mga mag-uuma.
Danyos sa mais
Anaa na sa P279,697,666.96 ang natalang total nga damyos sa mais diin gikan sa Bukidnon ang pinakadako nga dunay total nga P272,568,646.96 samtang sa Misamis Oriental mao ang 7,129,020.00.
Gibutyag ni Carlene Collado, officer-in-charge regional director sa DA-Northern Mindanao nga mas pinakadako nga ektarya sa mais ang naapektohan sa hulaw.
“For corn for Bukidnon we have 5,774 hectares and in Misamis Oriental we have 205,” matud ni Collado.
Ang mga apektado nga dapit sa Bukidnon mao ang Kibawe, Kadingilan, Kalilangan, San Fernando, Malaybalay City ug Sumilao samtang sa Misamis Oriental mao ang Balingasag, El Salvador, Alubijid, Villanueva ug Cagayan de Oro.