Kapitan gi-aresto sulod sa police station

GITUNOL sa kapulisan sa Police Station 8 (PS8) ang warrant of arrest batok sa usa ka barangay kapitan niadtong Marso 12 sulod mismo sa police station sa Barangay Lumbia, dakbayan sa Cagayan de Oro.

Igo lang mibisita sa police station si kapitan Jeson Magay sa Barangay Besigan ning dakbayan dihang naatlan nga maoy pag-abot sa warrant of arrest niini hinungdan nga diretso kining gisikop.

Si Magay gipasakaan og kasong grave threat sa usa ka residente ug duna kini piyansa nga P120 mil.

Sa pakighinabi kang Police Senior Inspector Jerson Estanilla, hepe sa maong istasiyon, niingon nga nibisita sa ilang buhatan si Magay aron sa pagsusi sa Barangay Anti-Drug Abuse Council (Badac) ug mao usab sa pag-abot sa warrant server hinungdan nga gitunol ang maong warrant sa kasong grave threat.

“Naa man siya’y arrest warrant nga grave threat in relation to section 29 of RA 10591, Gi detained namo siya kay di man pwedi nga tagaan nato og special treatment, magpiyansa daw siya karon (Miyerkules),” matud ni Estanilla.

Giingong nahitabo ang maong insidente niadtong bulan sa Disyembre sa nilabay nga tuig 2018 dihang dunay komosiyon nga nahitabo ug girespondehan kini sa mga tanod ug lakip ni Magay apan wala nila kini gidala sa istasiyon sa kapulisan.

Nagpa-blotter ang suspek ug nagpasaka og kaso hangtod nga nigawas ang maong arrest warrant.

Sa pagkakaron, anaa sa buhatan sa kapulisan ang nahisgutang tsirman sa maong barangay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph