SECTIONS
Sunday, May 26, 2019
SUPERBALITA DAVAO

5-anyos gilugos mismo sa paryente

SULTAN KUDARAT. Kuha sa crime scene diin nakaangkon ang 5-anyos nga biktima og mga bun-og sa lawas ug gituok pa nga maoy hinungdan sa kamatayon human kini gilugos dayon gihulog sa lapukan sa Purok San Isidro, Brgy. San Roque, Palimbang, Sultan Kudarat, Martes, Marso 12, 2019. (Hulagway gitampo sa netizen nga si Cent Luage)

TACURONG CITY -- Natumbok na sa mga otoridad ang suspek nga nilugos ug nipatay sa 5-anyos nga bata niadtong Martes, Marso 12, sa probinsiya sa Sultan Kudarat.

Ang biktima naila nga si Ericka Mae Urongan, nagtungha sa Sto. Niño Daycare Center ug molupyo sa Purok San Isidro, Barangay San Roque, Palimbang sa nahisgutang probinsiya.

Gibutyag ni Sultan Kudarat Police Office provincial director, Senior Superintendent Reynaldo Celestino nga paryente lang sa biktima ang nilugos niini ug dili pa nila ikabutyag ang bansagon gumikan nagpadayon pa ang imbestigasyon.

Gikan ang 5-anyos sa iyang tulunghaan sa diha nga giatngan siya sa suspek ug gidala sa ngiob nga dapit ug gilugos, dayon gipatay.

Nasayran nga gipangita sa amahan ang bata sa dihang wala na kini makauli sa ilang balay ug ila na lang nabangalan nga nagbuy-od sa lapukan nga wala nay kinabuhi.

Nakaangkon ang biktima og mga bun-og sa lawas ug gituok pa nga maoy hinungdan sa kamatayon niini.

Gihangyo sa pamilya sa biktima si Pangulong Rodrigo Duterte nga ibalik ang death penalty o kaha sila na lang ang mopatay sa suspek.

Imbestigasyon sa kapulisan sa Palimbang Muncipal Police Station nagpadayon aron nga masulbad ang krimen ug mahatagan og hustisya ang kamatayon sa bata.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!