Babaye nga ‘salisi’ nasikop

CEBU. Nagtingkagol karun sa Centro Police Station sa siyudad sa Mandaue si Irene Pagobo Pelayo, 28 anyos, sa dihang nasakpan kini nga nangawat sa iyang mga kaubang boarders sa usa ka boarding house sa Barangay Alang-Alang, sa maong dakbayan. (Fe Marie Dumaboc)
CEBU. Nagtingkagol karun sa Centro Police Station sa siyudad sa Mandaue si Irene Pagobo Pelayo, 28 anyos, sa dihang nasakpan kini nga nangawat sa iyang mga kaubang boarders sa usa ka boarding house sa Barangay Alang-Alang, sa maong dakbayan. (Fe Marie Dumaboc)

USA ka babaye nga gidudahan nga sakop sa dako nga Salisi gang sa Sugbo nasikop sa kapulisan sa Centro Police Station, Dakbayan sa Mandaue. Usa sa mga pagpangawat niini nakuhaan og CCTV footage sulod sa boarding house sa may dalan A. S. Fortuna, Barangay Banilad, dakbayan sa Mandaue. Nahitabo kini pasado alas 9, Sabado sa buntag, Marso 9. Ang suspek mao si Irene Pagobo Pelayo, 28, nangangkon nga taga Bogo City, amihanang Sugbo. Klaro ang kuha sa CCTV footage nga yano ra nga nga nisulod sa boarding house ang usa ka babaye nga nang-check sa mga pultahan sa lawak. Gani ang usa ka pultahan gisulayan sa pagguba ang lock pinaagi lang sa silhig tukog. Wa pa makontento, nisaka pa kini sa ikaduha nga andana, ug didto na usab nisulay sa pagpanglungkab. Nanglili pa kini sa usa ka bintana sa usa sa mga lawak hangtod nga sa katapusang kwarto, nilampos kini ug nakabitbit og usa ka laptop. “Mo-check man ko sa boarding house, ato nga buntag. Kita ko sa ubang mga kwarto nga abli, nagtuo lang ko nga nabiyaan sa mga boarders. Unya pagkahapon, pagpangabot na nila, diha na nahibaw-an nga nabiktima diay sila sa lungkab, mao gi-review namo ang CCTV, diha man gyud. Nagtuo siguro siya nga wala tay CCTV,” saysay ni Lourdes Cuizon sa Superbalita Cebu. Si Pelayo nisuway na pud unta sa pagpangawat sa ubang balay paabangan sa Barangay Alang-alang. Maayo nalang nga nasakpan sa tag-iya nga susama og nag-shopping, nagbitbit na sa mga kinawat nga butang sa iyang mga nanag-abang. Dali nga nakatawag og tabang sa mga silingan ang tag-iya ug nahimo ang citizen arrest ug dali usab nga nitawag sa mga pulis. Nahitabo ang pagkasakop pasado alas 9, Miyerkules sa buntag, Marso 13. Sa follow-up sa mga pulis, pinanguluhan ni Police Major Aldrin Villacampa, hepe sa Centro Police Station, na-recover ang upat ka mga kinawat nga laptop, uban ang charger, tablet, ug pipila ka mga resibo sa gipang-prenda nga kinawat nga butang sama sa laptop. “Sa gihimo nato nga interrogation, taud-taud na ni siya. Siya sad ni kato nakuha sa CCTV nga nanglungkab sad sa lain pa nga mga boarding house diri sa Mandaue City. Nakaigo sad daw ni siya sa Cebu City. Niangkon man. Laing modus sad gani ani ang mangilad og mga foreigner, isuod ang mga foreigner nga makaila niya dinhi sa Sugbo, dayon hangtud nga makoyug siya sa gipuy-an, ug mao na sad iyang kawatan. Naa gyud ni siya mga kauban. Mura ni silag mga professional diha sa ilang pagpangawat,” gitug-an ni Villacampa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph