P20,000 hinabang ni Duterte sa mga Silawan

CEBU. Personal nga nibisita si Presidential Assistant for the Visayas Michael Dino sa kabanayng Silawan para mutunol sa hinabang ni Presidente Rodrigo Duterte para namatay nila nga anak nga si Christine Lee. (Gregy C. Magdadaro)
CEBU. Personal nga nibisita si Presidential Assistant for the Visayas Michael Dino sa kabanayng Silawan para mutunol sa hinabang ni Presidente Rodrigo Duterte para namatay nila nga anak nga si Christine Lee. (Gregy C. Magdadaro)

NIABAG ug P20,000 si Presidente Rodrigo Duterte para sa pamilya sa gipatay nga 16-anyos nga si Christine Lee Silawan.

Atol sa iyang pagbisita sa haya sa maong dalaga sa Barangay Mactan, siyudad sa Lapu-Lapu, pormal nga gitunol ni Presidential Assistant for the Visayas Michael Dino sa kabanayng Silawan ang hinabang gikan sa Presidente.

Gibutyag ni Dino nga gisugo siya sa Presidente sa pagbisita sa haya sa dalagita ug nipadangat sa iyang pahasubo lakip sa pagtugon nga ipasulbad gayud sa kapulisan ang kaso sa pinakadaling panahon.

Gikondenar sad ni Dino ang linuob nga pagpatay ni Silawan.

"No person in their right mind would commit such an act; and no person, least of all an innocent young girl, should be made to suffer so brutally. This killing is only seen in the most perverse and sick of horror movies, and never should have happened in real life, least of all right here in our own backyard," sigon ni Dino.

Gawas sa P20,000 nga hinabang gikan sa Presidente, si Dino personal nga modugang ug P100,000 isip reward money alang sa kasulbaran sa kaso ni Silawan.

Samtang laing dugang P100,000 usab alang sa reward money ang personal nga ihatag usab sa higala ni Dino nga si Philippine Postal Corporation (Philpost) chairman Norman Fulgencio.

Sa gipuno nga ganti nila Dino ug Fulgencio, ang kinatibuk-ang ganti alang sa kasulbaran sa kaso ni Silawan niabot na ug P2 million.

Una nang nidonar ug P1.8 million ang local nga kagamhanan sa siyudad sa Lapu-Lapu ug probinsya sa Sugbo; ang Police Regional Advisory Council (PRAC) Central Visayas ug usa ka retiradong American national sa Leyte para madali ang pasolbad sa kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph