SECTIONS
Saturday, April 20, 2019
SUPERBALITA CEBU

Peke nga bombero sikop

CEBU. Nasikop si Randy Mañigo, 26, sa mga sakop sa Bureau of Fire Protection (BFP) Central Visayas sa dihang nadakpan ni siyang nagpakarung-ingnun nga bombero atol sa sunog sa sitio Arko Alley, Barangay Labangon, syudad sa Sugbo, Huwebes sa kadlawon, Marso 14. Sa tiilan ni Mañigo makita ang gigamit niyang uniporme sa BFP para makapangilad siya. (SunStar foto/Amper Campaña)

DIAY nagpatuo nga bombero ang gidakop atol gyud sa pag -ulbo sa sunog pag Huwebes kaadlawon, Marso 14, sa Barangay Labangon, sa syudad sa Sugbo.

Ang peke nga bombero nga nagsul-ob pag uniporme sa Bureau of Fire Protection (BFP) Central Visayas mao si Randy Mañigo, 26, taga Salvador Extention, Barangay Labangon.

Matod ni Fire Chief Inspector Noel Ababon, ang Cebu City fire marshal, nga nahinabi sa Superbalita Cebu nga atol sa pag-pasirit sa tubig sa mga balay nga nasunog, nabantayan nila nga adunay lalake nga wala nila mailhi nga nag sul-ob sa uniporme sa bombero.

Apan ang naka paduda ni Ababon nga peke kini nga bombero tungod kay nag short pants lang kini ug adunay dala nga bag.

Misulod kini sa mga kabalayan ug dinhi na gisita sa mga fire volunteers kung asa siya nahisakop nga fire station.

Mitubag pa kini nga naa siya nadestino sa Labangon Sub-Fire Station apan sa gihimong pakisusi, wala silay kauban nga bombero nga Mañigo.

Dali kining gibunlot sa mga bombero sa dapit nasunogan nga bisan nag-dilaab pa ang kayo, ila kining giposasan ug gi turn-over sa Labangon Police Station.

Matod ni Ababon nga dako ang posibilidad nga mangawat ang maong suspek tungod kay nanulod kinig mga balay nga gipang abandonar sa mga tag-iya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!